影片
更多
2022-08-07
912 瀏覽
同阿仔去北角海逸 staycation ，好彩今日天氣吾錯，终於不下雨了。難得周日放假可以訓晏少少，醒左十點零左右，仲趕得切落樓嘆番個靚早餐。近近地去蜆殻街嘅「紅葉冰室」，去到已經十一點，估吾到都仲幾多人，有一家大細嘅街坊、亦有外國人，近九成滿座。等左兩分鐘，靚姐好快已經幫我安排好座位。今日繼續食我呢排至愛《沙爹牛麵》（$37），今日食豪啲加$5轉出前一丁麵、配腸仔太陽蛋及奶油多士（加$2）。真係要特別介紹一下呢個沙爹牛麵，因為佢嘅牛肉係採用肥牛，非一般瘦牛肉片。不經梳打粉醃製，食落肥牛味香，肉質仍保持有咬口。出前一丁麵要好食，烹調時間好緊要，呢間冰室就煮得剛好，麵爽滑而不會太淋。阿仔就揀咗食特餐 《牛柳粒蕃茄湯通粉》（$56），配黑松露炒滑蛋及多士。我試咗啖牛柳粒通粉，牛柳粒好嫩，而且分量不少，配埋蕃茄湯，味道亦不錯。黑松露滑蛋，香味獨特阿仔至愛。雖然都係早餐ABC ，不過選料上稍作改變，令到同樣嘅早餐ABC 有大大不一樣。加上店員親切有禮，主動同客人嘅互動，難怪有咁多捧埸客。大家經過呢區，值得來一試。
近近地去蜆殻街嘅「紅葉冰室」，去到已經十一點，估吾到都仲幾多人，有一家大細嘅街坊、亦有外國人，近九成滿座。等左兩分鐘，靚姐好快已經幫我安排好座位。
今日繼續食我呢排至愛《沙爹牛麵》（$37），今日食豪啲加$5轉出前一丁麵、配腸仔太陽蛋及奶油多士（加$2）。真係要特別介紹一下呢個沙爹牛麵，因為佢嘅牛肉係採用肥牛，非一般瘦牛肉片。不經梳打粉醃製，食落肥牛味香，肉質仍保持有咬口。出前一丁麵要好食，烹調時間好緊要，呢間冰室就煮得剛好，麵爽滑而不會太淋。
阿仔就揀咗食特餐 《牛柳粒蕃茄湯通粉》（$56），配黑松露炒滑蛋及多士。我試咗啖牛柳粒通粉，牛柳粒好嫩，而且分量不少，配埋蕃茄湯，味道亦不錯。黑松露滑蛋，香味獨特阿仔至愛。
雖然都係早餐ABC ，不過選料上稍作改變，令到同樣嘅早餐ABC 有大大不一樣。加上店員親切有禮，主動同客人嘅互動，難怪有咁多捧埸客。大家經過呢區，值得來一試。
張貼
