貓毛

營業中

休息中

當日同朋友去屯門買野時經過間路邊小食店，猫毛。店舖名好趣緻，不過店舖內係無猫嫁～能坐嘅位置不多，如果遇上炎熱天氣建議外賣拎走。佢地主打特色漢堡，每層肉均為手打漢堡，120克（4安士）並即日新鮮制作。可以單點或跟套餐，套餐包括薯條/薯餅及飲品一杯。我叫左超人漢堡配薯餅。漢堡包面及包底有烘燶過，非常脆口。不過漢堡好大，好難一口咬哂。豬肉漢堡非常juicy，鹹蛋黃沙律醬再配上炒蛋及洋蔥，調出另一種鮮味。朋友則點了貝羅菇漢堡（牛肉，貝羅菇及黑松露醬）。貝羅菇燒過後，香味更甚。黑松露醬令貝羅茹及牛肉更加入味。滋味小食點了黑松露薯條及秘製豬頸肉。即燒秘製豬頸肉，好juicy。薯條都幾大份，配黑松露醬，更係香脆可口。飲品點了猫毛朱古力，非常濃朱古力味。