8Five2 Restobar

營業中

休息中

今日同老公左食咗餐幾有特色的墨西哥菜，在尖沙咀天文臺道的一間酒吧餐廳 ，門口開放式設計比較chill , 入面有個好長好靚吧枱，也有各款餐枱、長枱、小圓枱等。平日午市都有唔少人來吃午餐。🧡墨西哥牛肉玉米餅沙律🥗🧡呢個沙律賣相幾有驚喜，玉米餅係炸到成個巨型碗咁裝住D沙律材料，裡面有牛肉碎、牛油果、車厘茄、芝士、乳酪、沙律菜等，玉米餅好脆，再點埋個酸酸辣辣嘅莎莎醬好夾。🧡烤雞肉墨西哥卷餅 Chicken Burrito 🌯🧡呢個卷份量都幾大件，卷餅包住裡面好多材料，有香料炒過的飯、雞肉、芝士、蔬菜等，食落去好香好豐富，仲有個莎莎醬可以點少少增加少許酸辣味。🧡芝士菠菜墨西哥酥餅Spinach Quesadilla🧡酥餅夾住芝士菠菜焗得好香，仲有三款醬（莎莎醬、牛油果醬、乳酪）提供。💛牛油果奶昔💛牛油果控的我真係好鍾意呢個smoothie ，飲落好creamy好順滑。