THE 24 . ST

營業中

休息中

入秋伊始就特別想食下甜嘢🤪朗豪坊不嬲都有唔少蛋糕甜點店，其中有間門面幾elegant嘅The 24.ST，主打蝴蝶酥，分9件或15件禮盒裝，雅緻嘅包裝好適合送禮🎁蝴蝶酥有9款口味，除咗經典原味，仲有將不同餡料包覆係中間嘅口味，食落不單鬆脆，仲多咗啲咬口😛幾鍾意佢以四季往來、源於大自然瑰寶為口味設計概念，好似🪵根藏於土嘅栗子、黑豆芝麻；🌱春苗漸長嘅三星蔥；🌺盛夏綻放嘅洛神花；以及🍂入秋嘅蘋果山楂、紅棗、柑橘、柚子香梨，好有意思。🌰栗子堅果蝴蝶酥啱晒秋天嘅口味，中間食到啲栗子堅果粒粒，食食下會滲出些微栗子香😗另外店員姐姐仲送咗兩塊其他口味俾我🥰🥰🧀三星蔥芝士蝴蝶酥第一次食鹹嘅蝴蝶酥，鹹鹹地幾香口。🔴紅棗洋參蝴蝶酥好清香嘅紅棗味，送禮比長輩實鍾意。人均消費：$60推介指數（10分為滿分）：7.5分