酒虎詩龍

營業中

休息中

行過清風街，首先被個門牌個名吸引咗，好有心思改呢個名！舖面－眼望落去，好簡約既裝修。但兩邊牆上卻有好多手繪圖畫同好妙筆生輝既詩句！最特別係佢哋招牌嘅圖案嗰2條龍。主要係第一眼被佢吸引左入去探店！門口還有好多花牌，估計新開張吧。安排坐底之後，望下餐牌，還是叫侍應推介俾我有乜廚師推介。 八卦之下問吓個侍應舖名點解咁得意，原來佢唔係侍應，係老闆娘。佢話個店名係－首詩詩嚟。 比喻嗜酒善飲、才高能詩的人。嗯！好特別。 食物方面，老牌娘特意推介我食佢哋個燒鱔，話每日廚師新鮮入貨，唔脆唔揀，叫我食鱔嘅一定要試。我話我係魚怪，跟住佢又介紹我試咗個立磷燒馬頭魚配酸菜魚底。好我又試埋。 跟住點了至愛乳鴿同幾款唔同既串燒試吓。 由於店舖新開，大致上由外觀到服務及食物都感覺唔錯。老闆娘話會陸續增加更多有別一般串燒店內有既特式串燒。 下次等我再去探店先。