影片
更多
2023-10-17
877 瀏覽
大鄉里嘅我都真係未食過南非菜，靚太好友話中環SOHO區新開左一間南非FUSION菜餐廳，咁就當然要去見識下，跟埋去搵食。餐廳雖然唔算大，不過就佈置得好精緻同開揚，而我就最鐘意就係嗰手繪壁畫，好特別呢！主打嘅係即烤串烤FUSION料理，聽店主介紹大部分食材都係南非空運過嚟，絕對係’非’一般味道。我地就叫左兩個LUNCH SET，另外兩杯特飲。兩杯以南非沙灘為名嘅STRAND BEACH其實就係薰衣草糖漿配上梳打水，薰衣草嘅甜味再上梳打入口都好清新，飲完心情即刻好RELAX。 前菜就先嚟 香煎菠菜餅配自製杏甫醬，老實講送上嚟嘅時候見到個色係有啲驚驚地，不過食落又真係有驚喜。煎至香脆嘅菠菜餅，外層脆脆而裡面就帶點煙煙韌韌，再加埋自製嘅杏甫醬一齊食，惹味又醒胃呀！另一個前菜就係 炭燒蝦串 ，大大隻嘅虎蝦加埋芫荽一齊燒得好香口，蝦本身就新鮮夠彈牙，所以都係非常吸引嘅。先嚟第一個主菜就叫左道 煎鱸魚，個鱸魚煎得好靚，外皮香脆之餘個肉質仲好嫩滑，而且佢加左牛油同檸檬汁一齊煮，所以更加帶出鱸魚嘅鮮味。另一個主菜就 炭燒雞肉串 ，雞肉串唔會燒到好乾，入口一啲都唔韌仲好JUICY，另外好鐘意佢個調味，唔會
餐廳雖然唔算大，不過就佈置得好精緻同開揚，而我就最鐘意就係嗰手繪壁畫，好特別呢！
主打嘅係即烤串烤FUSION料理，聽店主介紹大部分食材都係南非空運過嚟，絕對係’非’一般味道。我地就叫左兩個LUNCH SET，另外兩杯特飲。
兩杯以南非沙灘為名嘅STRAND BEACH其實就係薰衣草糖漿配上梳打水，薰衣草嘅甜味再上梳打入口都好清新，飲完心情即刻好RELAX。
前菜就先嚟 香煎菠菜餅配自製杏甫醬，老實講送上嚟嘅時候見到個色係有啲驚驚地，不過食落又真係有驚喜。煎至香脆嘅菠菜餅，外層脆脆而裡面就帶點煙煙韌韌，再加埋自製嘅杏甫醬一齊食，惹味又醒胃呀！
另一個前菜就係 炭燒蝦串 ，大大隻嘅虎蝦加埋芫荽一齊燒得好香口，蝦本身就新鮮夠彈牙，所以都係非常吸引嘅。
先嚟第一個主菜就叫左道 煎鱸魚，個鱸魚煎得好靚，外皮香脆之餘個肉質仲好嫩滑，而且佢加左牛油同檸檬汁一齊煮，所以更加帶出鱸魚嘅鮮味。
另一個主菜就 炭燒雞肉串 ，雞肉串唔會燒到好乾，入口一啲都唔韌仲好JUICY，另外好鐘意佢個調味，唔會太重孜然粉再加上香草，所以食落充滿南非風味。
最後就嚟一個甜品 Malva Pudding ，一個南非傳統嘅蛋糕，用左椰棗同埋杏桃烤焗而成，看似係焦糖布丁，但佢又多一份濕潤嘅感覺，口感好鬆軟而入口唔會太甜，同時又有一份清甜嘅香味，好啱我嘅口味。
張貼
