神戶北之板

營業中

休息中

呢間開嚮UNY美食廣場o既快餐店，主攻日式咖喱，意粉和奄列飯。價錢唔算平，一般意粉、咖喱飯要三十幾蚊，加多$4可以轉set，多一小盒意粉/飯同一杯凍飲。奄列飯就平少少，廿幾蚊已經有交易，味道亦多完化，奄列飯可選擇配咖喱汁、燒汁、白汁、或蕃茄汁，因此都吸引唔少OL黎幫襯。今日分別試o左一客$32德國腸蕃茄意粉，和一客$32咖喱豬扒飯；另加$4轉set，多一小盒意粉和凍檸茶。德國腸蕃茄意粉味道唔錯，都有幾多德國腸，少脆，意粉也煙韌，不過醬汁略嫌肥一D。日式咖喱如期望中的甜，個人就唔太欣賞～Service方面，今日叫外賣果陣居然俾漏o左set既飲品同意粉；返轉頭問佢拿返o既時候，D阿姐仲死撐話落單冇寫set，激死！好在旁邊個高級少少o既哥哥都肯俾番我地～仲有呢度o既效率比其他快餐店慢，午市一般都要等好耐至有得食。