影片
更多
2018-08-17
332 瀏覽
最近”友人”同朋友食過馬辣，仲予以好高既評價，就決定親自去試下係咪咁正。2人被安排坐側邊卡位，幾舒適。5點幾已經有幾枱食客食緊，時間尚早，食客比較少都唔算嘈(“友人”話上次8點幾食超多人，好嘈，傾計都要講到好大聲)。馬拉沙爹鍋&台式麻辣鍋(2隻辣椒)馬拉沙爹鍋，”友人”認為馬拉味好突出，有一陣好特別既香料味道，類似豬骨湯既馬拉味，幾惹味，唔錯。而我就更傾向普通既沙爹湯底。至於我最期待既台式麻辣鍋，2隻辣椒既麻辣湯底望落好辣，但食落又唔算好辣(個人覺得大約等於三哥3小辣)，連唔食得辣既”友人”都食到。馬辣既麻辣並唔係雲南米線、三哥或雞煲既麻辣。之前買過2款台灣麻辣火鍋醬(寧記同狀元)，馬辣都唔係個隻麻辣。我可以話馬辣既麻辣鍋係有好足料既湯底，但我並唔鐘意尼個麻辣(好失望)。主要係唔鐘意入面既一陣味，但又唔知係咩湯料有尼種味，似係藥材? 嗜好麻辣既我都寧願食隔離既沙爹湯底。不過應該有其他人識欣賞。醬油配料選擇多，唯豉油好似唔夠咸。另外仲有白飯同滷肉蛋供應。馬辣有4款牛提供。“友人”覺得4款牛都好食，佢最鐘意美國牛小排，我就最鐘意牛梅花。溫馨提示：每個盤上都有顏色標示屬於邊款牛。紅色：美國p
馬拉沙爹鍋&台式麻辣鍋(2隻辣椒)馬拉沙爹鍋，”友人”認為馬拉味好突出，有一陣好特別既香料味道，類似豬骨湯既馬拉味，幾惹味，唔錯。而我就更傾向普通既沙爹湯底。至於我最期待既台式麻辣鍋，2隻辣椒既麻辣湯底望落好辣，但食落又唔算好辣(個人覺得大約等於三哥3小辣)，連唔食得辣既”友人”都食到。馬辣既麻辣並唔係雲南米線、三哥或雞煲既麻辣。之前買過2款台灣麻辣火鍋醬(寧記同狀元)，馬辣都唔係個隻麻辣。我可以話馬辣既麻辣鍋係有好足料既湯底，但我並唔鐘意尼個麻辣(好失望)。主要係唔鐘意入面既一陣味，但又唔知係咩湯料有尼種味，似係藥材? 嗜好麻辣既我都寧願食隔離既沙爹湯底。不過應該有其他人識欣賞。
醬油配料選擇多，唯豉油好似唔夠咸。另外仲有白飯同滷肉蛋供應。
馬辣有4款牛提供。“友人”覺得4款牛都好食，佢最鐘意美國牛小排，我就最鐘意牛梅花。
溫馨提示：每個盤上都有顏色標示屬於邊款牛。紅色：美國prime頂級牛梅花；藍色：美國choice無骨牛小排；綠色：美國CAB安格斯黑牛；白色：美國精選牛五花。
火鍋配料最好食係：原隻魷魚筒、扇貝、灸燒芝士丸同白魚蛋。配料竟然有扇貝真係好驚喜，雖然係急凍又細隻d，但都唔錯。平時白色個隻芝士丸係比較黏同煙韌，而灸燒芝士丸入面係流心好creamy濃郁既芝士，好正。是日海鮮係蜆，好新鮮。其他火鍋配料都係中上水準，唯獨響玲唔脆。
甜品有Dreyer's雪糕、Fruttato Gelato雪糕，仲有紅豆樂牛奶樂雪米糍等。Dryers雪糕有：朱古力曲奇、朱古力、士多啤梨同芒果味。Fruttato Gelato雪糕有：益力多(口感似益力多冰)、薑(超勁既薑味)、青檸雪葩(超級無敬酸) 、蜂蜜牛奶(無特別)同榴槤味(無試)。Fruttato Gelato雪糕我就麻麻，都係鐘意Dreyer's既普通雪糕口味。我覺得2隻牌子既雪糕質感都係偏軟，有少少溶既感覺(“友人”話餐廳係特登將雪糕櫃調教至尼個溫度，方便食客”畢”雪糕)，食落又無想像中咁差。不過雪糕都係硬身d會開心d。飲品款式正常。
整體而言，環境舒適，火鍋配料屬中上水準，高質又多款式(我會俾4.3分)，但湯底我就真係覺得一般(麻辣2.5；馬拉沙爹2.8，純粹係唔岩我口味)。由於湯底實在太重要，所以就算配料幾好，我都未必會再食多次。不過”友人”對馬辣都係有高評價，之後都可能有機會再陪佢食，或者到時可以試下其他湯底？(個人口味: (2.7+4/10))
註：7點半前離座每位減$10
張貼
