秘 (享成街)

營業中

休息中

媽媽生日，因為成日食黎食去都係日本菜/buffet,今次帶佢食新野。哩間鋪頭個位置都幾隱藏。個日7點幾去到等位，等到8:30左右先入得。原來入面得好少位，難怪要等咁耐。坐都坐得好逼，唔係幾舒服。我地3個人叫左2個餐，加1個清酒煮蜆既小食。黑松露吉烈牛好好食👍🏻👍🏻值得推薦。好夠黑松露味，外面又脆卜卜，入面d肉又好食。牛肉野菜鍋都唔錯，入面有好多肉，d肉有肉油既香，總之都係好有肉味啦！個鍋既湯底都唔錯，我拎左黎撈飯食，一流👍🏻清酒煮蜆我就幾鐘意，因為我覺得好夠酒店。但我爸爸就話覺得d酒甜左d，佢覺得麻麻。最後埋單4百蚊左右，只收現金。