古今二 (荃灣千色匯I) (已結業)

四條友唔想煮飯就去咗荃灣這間食店食日本料理。平時日子不算多人搵位ok。【柚想蝦你】柚子汁好香,夾雜有啲柚子肉,入口脹卜卜,感覺同味覺都很清新,可考慮作為一餐飯的開胃菜。內有中華沙律以及沙律菜,令到口感有爽脆的感覺。留意盛沙律的碗線條好特別。【火山】成張枱最搶眼的一碟,因為上碟會有兩行火焰。幾有特色。飯糰上面鋪滿大量蟹柳,蟹柳之中隱藏有帶子,又有清甜的青瓜,好好食好香口。正所謂有得睇又有得食。【椒鹽雞腎兩串】已經砌成一粒粒串燒,一口一粒,彈牙煙韌,不妨一試。適中的椒鹽不會過鹹。稍為會增加食慾。是相對比較突出的串燒。【雜錦天婦羅】香脆,不油膩、有蝦、秋葵、紫甘薯。樣貌不起眼的秋葵原來裏面讓咗蝦膠的。唔怪得脹卜卜的。喜歡天婦羅的我會選這碟。【富士山】鋪滿大量蟹柳,成座山咁,下面就係鰻魚飯卷,造型好似一座山。當送入口腔,大大件,口感豐富。特別係啲蟹籽,咬落去卜卜聲。【煙花6件】飯糰上面嘅刺身好有份量,一大粒似打邊爐的魚滑,入口好綿好滑,必要點華沙B。又見到D新的日本料理plating。愉快的一餐。