八居酒屋 (旺角新城)

營業中

休息中

聴講呢間日式餐廳係尖沙咀都有間，旺角呢間係第二間，可能遲啲二合為一。先上巨峰乳酸梳打，酸酸甜甜，有氣巨峰香味。仙台厚燒牛舌，老細話師傅專登程去日本學，外皮燒得脆身，食落唔似普通牛舌，好厚身，有啲似厚身牛肉嘅質感，好特別！泡菜豚肉鍋，開埋火爐，可以一直熱住，暖笠笠！面頭鋪左好多雪花䐁肉，湯湯香濃白雪雪，入邊仲有好多唔同蔬菜，有大葱、蘿蔔、金菇、菇類等等，仲有薯粉，大滿足！三色刺身丼，有大蝦、三文魚同埋油甘魚，刺身新鮮，配埋薑片同壽司飯底啱啱好。