後宮 (已結業)

第一次同朋友去，諗住可以一路唱一路食，首先原本張枱，去到話音響壞咗，要去其它枱唱，ok fine，跟住坐坐吓，到啲爐壞，原本張大枱，要搬去張細枱，都ok，嘢食堅出事，價錢同質素，完全唔乎合比例，首先湯底，叫咗一個麻辣，一個養生鍋，麻辣我無食，評論唔到，養生鍋湯底係ok，不過勁多無謂配料，佔咗成個鍋三分一，大部分食物都係一般貨色，最差係叫咗手打蝦丸拼墨丸，第一次食到咁差嘅手打丸，仲要有小小異味，衛生環境都唔多得，我哋一開門就去，但係廁所，又無抹手紙，又冇鹼液，仲大陣尿壓未，牆邊仲有嘔吐物，餐具有啲油，服務都叫ok，三個waiter，兩個都有禮貌，仲有一個，應該係新人，成日攞錯嘢過嚟，都好肯定，唔會再去，完