我愛慢煮 (孖沙街) (已結業)

慢煮呢個烹調方式係最近幾年先係香港興起，所以都唔係好見香港有慢煮餐廳。最近經過上環，見到【我愛慢煮】，好明顯就係一間食慢煮既餐廳，簡約工業風又幾特別就入去試試啦。【我愛慢煮】係半自助形式餐廳，order、俾錢、餐具等都係要自己出去，所以就無收加一。全部食物都價錢合理，地方雖小，食物種類都好多，而且有多一層座位！獨食燒烤盤：包括24小時烟熏烤安格斯牛肉、24小時烟熏烤美式豬腩、烤香腸、沙律、薯仔沙律、車厘茄、63度溫泉蛋同比利時窩夫全部肉都好軟，安格斯牛肉香濃牛味，美式豬腩D sauce好特別、但唔會太heavy，薯仔沙律偏港式、幾特別，63度溫泉蛋無咩味道、記得要先加調味，比利時窩夫比較扎實、上面加芝士、鹹鹹甜甜好味！8小時蜜糖香草鷄鎚：好juicy又好軟，鷄鎚好入味，好濃香草味！24小時法式油封鴨：肉好軟、不過味道較淡，可能要加少少鹽調味。不過以呢個物超所值既價錢係香港食到油封鴨，非常不錯！炸番薯條：搭配松露醬、鹹甜搭配非常出色！而且新鮮炸起！荔枝接骨木花特飲：非常清新又唔會太甜！非常推佢地既特飲！