Asiri

營業中

休息中

今年喺Asiri年食咗個製作認真、價錢親民嘅情人節餐，好開心呢~套餐有兩款湯揀，我哋就試晒兩款~粟米湯好香濃，好似飲緊牛油粟米咁，好滿足。另一款好似係日式嘅清湯，味道有啲似日本酒店早餐飲嘅洋蔥湯。沙律上面有隻靚靚嘅溫泉蛋，撈埋新鮮爽甜嘅沙律菜一齊食，正。主菜本來想揀雞脾湯咖喱，但雞脾賣晒，於是轉咗炸魚柳湯咖喱。驚炸魚柳浸咗喺湯咖喱度變淋晒？原來索咗湯仲正！湯咖喱充滿濃郁嘅蕃茄、洋蔥同香料嘅味道，配上顏色鮮艷，味道香甜嘅蔬菜，大大碟飯好快清晒。另一主菜本想加錢轉和牛扒，點知都係賣晒，店主好好人，主動提議轉普通牛扒，唔使加錢~牛扒一上枱，超級香！影咗一張相（原來濛濛地）就忍唔住要塞件入口~有牛味同油香~有咬口~正~仲連配菜都有燒過~又香又甜~其實已經好飽，但仲有甜品同餐飲。藍莓蛋糕唔太甜，超好味~抹茶布甸同上面啲紅豆，竟然好似喺日本食一樣咁好味！飲品味道ok，但失色於美食同甜品嘅光芒下，哈哈。