影片
更多
2022-12-14
119 瀏覽
去開旺角逛街，咁多好嘢食點揀好呢！抬頭之際，愛美的友人話天氣凍要養生，佢揀定了馬祖台灣養生涮涮鍋。上去，間店好大，我哋揀咗窗邊卡位。嘩，呢度湯底都有18款，真係估唔到。我哋最後揀咗台灣沙茶牛肉湯底和藥膳花膠雞湯底。沙茶牛肉湯底惹味濃郁，花膠雞湯底裏面有好多花膠，補身之餘仲可以補下我地中女d骨膠原，有益又暖身，經理話湯都可以飲。我中意花膠脆脆地嘅口感，但友人話留到最後食仲稔滑。我哋揀咗$403正價時段個餐。呢度任食唔限時間，如果大食係好抵食，因為食物種類繁多，品質上乘，水準超越好多火煱放題店。如果7:30pm前離座或9pm後入座，仲有正價八折或八五折。呢度有四款唔同價錢嘅餐，豐儉由人。我哋個餐嘅主要肉片係極級安格斯牛頸脊、西班牙伊比利亞黑毛豬、美國安格斯牛肉，同埋西班牙無激素豬肉片。呢四樣都係貴價食材，肉味天然無添加，所以我哋encore咗幾轉。其他食物種類真係好多，有前菜、手打丸、海鮮、蔬菜、和麵類，你真係估唔到呢度有超過60款配料。勝在每款做得的式，我地可以試足好多款，若果胃口細d, 真係會有選擇困難症㗎。我覺得生猛海蝦鮮甜彈牙，脆鯇魚片都唔錯，因為冇咁多地方食到，手打三寶丸細細粒可
嘩，呢度湯底都有18款，真係估唔到。我哋最後揀咗台灣沙茶牛肉湯底和藥膳花膠雞湯底。沙茶牛肉湯底惹味濃郁，花膠雞湯底裏面有好多花膠，補身之餘仲可以補下我地中女d骨膠原，有益又暖身，經理話湯都可以飲。我中意花膠脆脆地嘅口感，但友人話留到最後食仲稔滑。
我哋揀咗$403正價時段個餐。呢度任食唔限時間，如果大食係好抵食，因為食物種類繁多，品質上乘，水準超越好多火煱放題店。如果7:30pm前離座或9pm後入座，仲有正價八折或八五折。呢度有四款唔同價錢嘅餐，豐儉由人。
我哋個餐嘅主要肉片係極級安格斯牛頸脊、西班牙伊比利亞黑毛豬、美國安格斯牛肉，同埋西班牙無激素豬肉片。呢四樣都係貴價食材，肉味天然無添加，所以我哋encore咗幾轉。其他食物種類真係好多，有前菜、手打丸、海鮮、蔬菜、和麵類，你真係估唔到呢度有超過60款配料。勝在每款做得的式，我地可以試足好多款，若果胃口細d, 真係會有選擇困難症㗎。
我覺得生猛海蝦鮮甜彈牙，脆鯇魚片都唔錯，因為冇咁多地方食到，手打三寶丸細細粒可以試齊三樣，黑松露墨魚丸一定要試，好香松露味又非常彈牙好食。手工餃嚟講，我最鍾意係韮菜餃，韮菜味香濃，餡料多汁，皮好Q彈。呢度選擇實在太多，我地實在冇辦法試齊咁多款食物。所以約定下次再來。
店內提供多款凍飲品，夏枯草和菊花蜜可清熱氣。留意到水吧有暖飲品櫃，仲可以冲杯中國茶消滯，我覺得呢個安排好窩心，啱曬唔飲凍嘢嘅我。
食食下，店員送上一碟炸黃金地瓜條。我好鍾意食，因為好輭熟好甜。其實你可以用枱面提供嘅調味粉放入紙袋shake勻先食。
最後每人仲可以order一個雪糕做餐後甜品，感覺大滿足，Yeah!
張貼
