牛丼家

營業中

休息中

牛丼家有兩層，座位唔會太窄，有足夠空間感，地方乾淨衛生，這裡自助形式，跟號碼到取餐處攞食物，隔離就攞餐具，用餐完就放到回收架。牛魔王飯(附加柚子醋醬油)以為牛肉煎到好燶，其實唔係，夾開件和牛漢堡扒，其實煎得唔乾，入口嘅肉質係柔軟，味道香濃，跟住將醬油淋落白飯度，飯粒帶一點酸酸嘅柚子味，係好開胃，唔會覺得和牛好膩嘅感覺。小食配左炸魚，炸到金黃色嘅魚仔，都唔細條嘅，食落唔腥重幾香口。咖哩雞扒飯咖哩汁舖滿白飯，係日式帶甜嘅咖哩味道，夾什住一d蔬菜粒，雞扒嘅皮煎得香口，雞肉件厚切，肉質咬落唔柴，沾埋咖哩汁食重滋味，可以食晒成碗飯。少食配左炸雞，雞粒炸得唔油，入口香脆，雞肉柔軟唔乾。可樂配一杯冰，夠晒凍好正。冰紅茶夠凍，茶味道清甜。