616牛肉火鍋專門店 (積富街)

營業中

休息中

黎食616就係鐘意佢有好多唔同牛肉既款式可以揀，次次都有好多唔同既部位可以揀黎食，唔係呢度都唔識咁多叫法。今次黎到見到有信州和牛，即刻叫黎試下先啦。 鴛鴦牛骨青花椒湯底 $78 牛骨湯底好鮮甜，如果想食到最原始既肉味就一定要叫佢呢個清湯。青花椒湯底既椒味好香，帶有少少麻又唔會好辣，一般人都一定會食得到。 特選和牛盛 $234 呢個和牛盛合有三款和牛組成，就係赤身，牛腹肉同牛肩胛。赤身既肉味好重，又唔會太柴太乾，食多幾次都唔會膩。牛腹肉望到覺得明顯肥肉比較多，不過淥兩淥之後d油脂都化開哂，食落好軟淋，油香味十足。牛肩胛就係三款之中最平均，帶有微微既牛肉香而又唔會太肥，有少少入口即溶既感覺。 呢個和牛盛仲送左碟五花趾，食落去有咬口得黎都幾香，同和牛有唔同既口感。 罕有部位3送1組合 $204 除左食和牛盛之外，我地仲叫左個組合，分別有牛上肋，澳洲和牛頸脊，澳洲五花趾，仲送左碟安格斯橫隔肌。橫隔肌肉味濃，口感都幾嫩滑。牛頸脊既肉汁好多，口感十足。牛上肋油睹平均，最嫩最好食。