Tapa Room (宏利廣場) (已結業)

估唔到牛頭角都係飲酒食tapas的好地方，仲有outdoor位添！朋友帶我到牛頭角Tapa Room食晚餐，去到已經比門口的outdoor位同霓虹燈所吸引，勁chill勁有氣氛！我地最終選擇入indoor用餐，裡面播住外語流行歌曲，氣氛一樣咁好。黎到當然唔少得食tapas啦，發現menu的選擇都好多，樣樣都想試，有點花多眼亂，最終二人叫左三個tapas同一個main dish, 食飽飽回家！薄切慢煮八爪魚：呢個係我的推介，八爪魚切成薄片，新鮮彈牙，一點都唔靭，食得出係上等貨。除咗八爪魚靚，醬汁都非常出色，簡直錦上添花，醬汁輕微酸酸地，同八爪魚勁夾，好想知呢個汁係咩呢！棒棒鵝肝：賣相同味道一樣咁正，將鵝肝整成一粒粒圓球，口感有點似雪糕和慕絲，好特別，而味道係啖啖香濃的鵝肝味，真係一等一享受。鵝肝比堅尼三文治：另一鵝肝tapa! 呢個同棒棒鵝肝又唔同感覺，三文治先煎炸至金黃，口感香脆，味道極佳，加埋軟綿綿的鵝肝醬，味道濃郁。西班牙肉腸卡邦尼扁意粉：睇個樣都知好食！西班牙肉腸切粒，食落好彈牙，又香口，真的很不錯。而且卡邦尼醬汁同一般西餐不同，呢個無咁杰同味道香一點，好味道！