牛角日本燒肉專門店 (康怡廣場北座)

營業中

休息中

餐廳：牛角日本燒肉專門店地點：太古康怡廣場菜式：日式燒肉餐牌：主餐牌有前菜，沙律，燒野菜，水果，素肉，牛肋肉，熟成牛，牛頸脊，牛板腱，牛舌，內臟，燒肉盛合，和牛，豚肉，雞肉，海鮮，麵飯，湯，甜品，飲料。落單用手機落單。SRF美國極黑和牛座布團 $298 另加一上次食過呢個SRF美國極黑和牛座布團，今次要encore。座布團係位於肩里脊肉至肋骨肉之間，因為形狀看似日式座墊而命名。和牛一客13片，圓圓一大碟，油花平均，賣相不俗，一邊加左白芝麻粒，一邊加左蔥花調味。座布團好薄切，唔好燒太熟都唔錯。蔥花好香，芝麻味都好濃，各有所長。燒肉汁味好好味。之後再叫多份，質素都係咁好。特選熟成牛 $92 另加一特選熟成牛一客5塊，都未融哂雪上枱。食落好韌無肉汁，差。石鍋和牛旨味丼 $78 另加一石鍋和牛旨味丼用個木盒裝住一個石鍋熱辣辣上枱，面頭有牛肉粒，都好嫩口。飯入面加夠醬汁，面頭一隻生蛋，仲有洋蔥片同京蔥，食落好惹味，非常好味。而且有少少飯焦。好味道。總括而言，要識揀肉叫，叫錯爛肉真係可以好難食。