順日本料理 (已結業)

上網search呢間鋪嘅歷史，估唔到已經30年，30年都仲屹立不倒，一定有啲拿手小菜，今次我就試吓佢最出名嘅牛舌厚燒牛舌飯果然係呢度嘅招牌菜！平時食開嘅牛舌通常都好韌好薄，但呢度嘅牛舌好厚，厚身得黎好軟好爽，就算係牛舌筋都易咬。加上唔係燒得十成熟，肉質保持到好嫩，仲有少少黑椒調味，配飯一齊食一流。一碗仲有5大塊牛舌，真係超抵食！壽喜燒定食個湯底好濃郁，甜味比較重，牛肉肉質鮮嫩，口感嫩滑，仲好足料有菜、蛋、冬菇、金菇、紅蘿蔔、芋絲、豆腐香蒜焗蠔面頭層蒜焗得好脆，蒜味好濃郁，個蠔焗完都仲保留到啲汁，鮮甜冇腥味，唔錯炸濃厚芝士餅一上菜已經聞到好香濃嘅芝士味，新鮮炸起所以熱辣辣外脆內軟，仲有得拉絲，雖然係炸物但都唔會好油巨峰梳打好清新，唔會太甜太膩，解渴一流，仲好有日本嘅巨峰提子味荔枝梳打偏甜，但係有原粒荔枝，荔枝味同梳打汽水好夾，啱啱好，飲完之後仲可以食埋粒荔枝雞肉棒雞肉棒外面有日本燒汁，入面仲有啲雞軟骨，一時間分唔清佢係雞肉定係雞軟骨，一級棒👍🏻