富源潮州麵食城

營業中

休息中

星期日，去買點海鮮回家煲海鮮湯及煮西餐。本想去吃碗粉麵，利苑是日休息，見這間未試過，就來吃碗牛腩粉。坐低問有沒有爽腩，阿姐答有牛什，咁有無肥腩？佢問我係米要牛肚，絕對的九唔搭八，求其啦，有牛腩的就拿來。叫杯飲品又係勞氣，要凍咖啡，阿姐又問係米凍檸賓，絕對唔掂。牛腩是切腩，煮得不腍，嚼下如咬柴皮，有一半是一咬便知要放棄的，其餘的不算好，但還算咬得下，水準以下。唯一可喜的是，要了多蔥，真的是幾多蔥。唔記得講，碗粉要了紫菜，吃完至醒起佢漏了放﹝定阿姐又聽錯了﹞，唯有叫佢張單減番5蚊。講到這裡，唔使多講都知「服務」一欄會比幾多分了。埋單23蚊，不是貴，但未必會再來，再來也只會吃牛什。