南亭 (士丹頓街) (已結業)

第一次午餐黎到蘇豪士丹頓街既南亭食日式串燒飯，餐廳門口係典型既居酒屋外觀，等左大約10分鐘就入得去，店內座位唔多，坐到20人左右，難怪餐廳地點算遠但係都要等位。Lunch time主要都係叫lunch set, 有豬、雞、牛、饅魚、雜錦串燒set。 聽人講牛好好味，雖然我向來唔食牛脷但我都叫左牛set試下！個set另外有個湯、沙律同蛋，侍應建議係食之前就倒個蛋入個飯搞勻先。D牛柳牛肉串燒優點係廚房已經幫你落哂調味去燒，唔駛另外點醬食落已經好惹味。但不得不讚既係個牛脷！我本身唸住食一兩啖就算，點知！我食哂3舊牛脷仲覺得唔夠事關食落同我本身認知既牛脷係完全唔同！好厚好juicy，彈口得黎有少少溶係口，完全唔覺得係食緊塊脷，比一般牛肉更加好食！