牛極 (通菜街)

營業中

休息中

近期新開好多石板牛，間間質素閣有千秋，今日又黎到旺角通菜街呢間牛極，之前食過一次覺得唔錯! 今日下午2點左右黎, 比上次晚餐既段少人, 唔洗排隊。未算太肚餓，叫個180g牛肩肉先，白飯、沙律、湯都係任裝。塊排黎到係得1成熟，想食幾熟就睇自己控制喇, 我會先係上面扭少少鹽同黑椒，今次試下加多少少bbq粉, 又幾惹味喎想牛肩肉唔痴牙，建議大家煎至5~6成熟，太生咬唔入、太熟又痴牙，5~6成剛剛好一個女仔食一塊180g牛其實都好飽，最值得一提既係呢度既湯，應該隔一排就會轉款, 因為早幾個月黎食只係普通麵豉湯, 今日既係日式蕃茄牛肉湯，飲唔出有味精，可以話係飲得到平時自己煲果種味道，見到在場咁多位都飲好多碗，我都唔客氣飲左3碗估唔到作為配角既湯會咁好飲!今次回頭感覺都唔錯, 加湯仲好飲左添, 期待下次再回頭時既驚喜