火鍋煮場 (已結業)

我同我D朋友都鍾意黎呢間火鍋店打邊爐，因為佢D食物質素都Keep得到，尤其是D牛肉，因為好多時出面D火鍋店D牛肉質素時得時唔得，加上衣家D牛肉真係貴咗好多，所以衣家我地呢班吃貨都決定唔搏了。平時我地鍾意食本地手切牛頸脊，不過今晚老闆叫我地要安格斯唔好要牛頸脊，因為今日條牛頸脊好瘦，會比較un，我地梗係聽話啦，叫了安格斯，雖然牛味無牛頸脊咁重，不過脂肪分怖都幾靚，所以好好食，老闆無老點我地。紫菜響鈴基本上次次都叫，貪佢即叫即炸，我自己鍾意就咁食多過淥一淥先食，好香口好正。手打三寶丸又係必食，三樣之中我最鍾意蝦丸，彃牙好食。今晚試咗魚皮餃，D魚皮餃漲卜卜，都OK。另外仲叫了潮州魚蛋同炸午餐肉，好耐無食過起角嘅潮州魚蛋，諗起佢成餅切出黎好似好正咁。炸午餐肉我就會放落湯底淥一淥先食，個人喜好啦。仲有羊肉片，羊味濃，都好食。