牛魔 (已結業)

鐘意食牛肉嘅你，點可以錯過牛魔。餐廳的牛食材來自美國，日本，澳洲，各種牛嘅部位都會有。我地每人叫左一個lunch set，當中包括前菜，芝麻醬沙律同海帶湯，前菜係偏向韓式，分別有芽菜，泡菜同青瓜。《安格斯特選牛肉眼丼飯餐》 $125安格斯特選牛肉眼約六成左右，外層燒得夠焦香同香脆，半肥瘦嘅肉質嫩滑，肉味香濃。牛肉上灑上芝麻，炸蒜，紫菜，蔥花，再配合照燒汁，令整個口感同層次更加豐富。《燒醬汁牛肉餐》 $110牛肉肉味同肉質當然不及安格斯特選牛肉，但整體質素也不錯。用鐵板上，牛肉有燒烤嘅香味，醬味甜甜地，牛肉下鋪滿洋蔥，令牛肉更加鮮甜。《乳酸梳打》 $18乳酸梳打無咁甜，夠晒大杯《鳳梨梳打》 $18呢杯偏向甜一點，鳳梨味比較重。