翠園

營業中

休息中

好耐冇飲茶，星期六中午黎到呢間酒樓唔係好多人，攞左飛等10分鐘左右就入得，坐位比較逼，坐係房入面比較難叫侍應，好彩佢地方大人手多，服務態度都ok。平時飲茶食開既點心就唔多講啦，今次叫左兩款比較特別既菜式。賣相幾特別，成舊都綠色，外層係酥皮非常脆身，入面有牛油果同蝦，不過本身牛油果冇咩味，所以食落主要係食蝦，配沙律醬幾夾，有少少wasabi既味道，好食。呢款賣相差少少，本身佢諗住整到天鵝咁，但係其中一隻瞓底左，又放得唔整齊，賣相扣分，味道都唔錯，有芋頭同蝦，但芋頭太多，cover哂隻蝦。整體黎講：除左呢兩款特色小食比較貴，其他都係正常酒樓點心價錢，性價比唔錯。