Verde MAR (已結業)

好鐘意同朋友到港島區周圍尋找小店又chill餐廳享受一個下午。西營盤有間以樹懶主題餐廳，入到店內有種好舒服嘅感覺，樓底高，又有好多植物，𥦬外仲有充足透光度。廚師推介， 慢煮牛面肉配薄餅牛肉份量超大，慢煮到勁淋勁好食，完全唔韌。湯底係好清唔油膩，食得好舒服，但味道係濃嘅。牛油果芝士奄列簡單完美嘅組合，煎到勁香嘅雞蛋香，芝士量啱啱好令你每一啖都食到，牛油果帶到一啲清爽味道。牛油果tostada 造型十分之靚，砌成一大朶花，適合打卡，大量牛油果令我呢個牛油果控表示心情大靚。整體食完似食牛油果沙律，都幾健康。墨西哥煎玉米卷Taco 有幾款饀料選擇，我地選擇左雞肉，食落係好傳統嘅Taco, 配菜多可以增加味道嘅層次，配埋嘅醬汁都好惹味。玉米卷少少地烘下，食落更香。