影片
更多
2008-04-18
123 瀏覽
四月十六日(三)今日超早俾人嘈醒左，無啦啦神咁早拆冷氣去洗，真係!#@!@$，結果拆落黎太殘舊要換部新，幾個人執下野搬下野攪到煮飯都無時間就落左就近竹園餐廳度食。竹園邨黎講尼間餐廳係全村最多人幫襯既一間，因為食物質素穩定、上菜速度快、加上位置較就腳同環境都ok(裝修後更有4X吋大電視)，所以咁多年黎都係最旺場既一間。對面德發其實食物唔比佢差，但上菜就慢好多，斷斷續續黎一味餸食到幾無癮。今次點左三個餐，本人較愛西餐，因為有焗野同餐飲，感覺較抵。中餐就要睇餸，炒菜又係$38，炒肉煲仔又係$38。中式晚餐($38)x2 (跟白飯、中湯)XO醬炒牛仔骨涼瓜火腩白鱔煲西式晚餐($36)蒜片牛柳粒焗豬扒腸仔意粉凍檸茶(+$2)、煙肉磨菇湯XO醬炒牛仔骨第一口食落感覺係辣，味都道唔錯，但無黑椒咁夾，肉質唔差，份量亦幾足，$38食到牛仔骨仲連埋飯同湯幾抵~涼瓜火腩白鱔煲只係食左舊鱔，幾多骨，味道OK，大部份都係爸食晒~ ~"蒜片牛柳粒份量不多，因為只是前菜，牛柳粒SIZE中等，比味千大，肉質淋味道幾好幾香口，作為前菜相當不俗。焗豬扒腸仔意粉新鮮焗出黎熱辣辣，豬扒幾大塊食落唔鞋但又未算滑，茄汁焗完配意粉
今日超早俾人嘈醒左，無啦啦神咁早拆冷氣去洗，真係!#@!@$，結果拆落黎太殘舊要換部新，幾個人執下野搬下野攪到煮飯都無時間就落左就近竹園餐廳度食。
竹園邨黎講尼間餐廳係全村最多人幫襯既一間，因為食物質素穩定、上菜速度快、加上位置較就腳同環境都ok(裝修後更有4X吋大電視)，所以咁多年黎都係最旺場既一間。對面德發其實食物唔比佢差，但上菜就慢好多，斷斷續續黎一味餸食到幾無癮。今次點左三個餐，本人較愛西餐，因為有焗野同餐飲，感覺較抵。中餐就要睇餸，炒菜又係$38，炒肉煲仔又係$38。
中式晚餐($38)x2 (跟白飯、中湯)
XO醬炒牛仔骨
涼瓜火腩白鱔煲
西式晚餐($36)
蒜片牛柳粒
焗豬扒腸仔意粉
凍檸茶(+$2)、煙肉磨菇湯
XO醬炒牛仔骨
第一口食落感覺係辣，味都道唔錯，但無黑椒咁夾，肉質唔差，份量亦幾足，$38食到牛仔骨仲連埋飯同湯幾抵~
涼瓜火腩白鱔煲
只係食左舊鱔，幾多骨，味道OK，大部份都係爸食晒~ ~"
蒜片牛柳粒
份量不多，因為只是前菜，牛柳粒SIZE中等，比味千大，肉質淋味道幾好幾香口，作為前菜相當不俗。
焗豬扒腸仔意粉
新鮮焗出黎熱辣辣，豬扒幾大塊食落唔鞋但又未算滑，茄汁焗完配意粉香口好吃，整體黎講不錯。
凍檸茶
本人認為尼度既凍檸茶水準幾好，差不多每次都叫，檸茶沖得茶味香，甜味適中，正~!
三個人食到飽飽仲打包左盒帶飯~
最大唔好處係同一般茶餐廳一樣多味精~
張貼