影片
更多
2021-05-21
3224 瀏覽
尋日去左中環AIA摩天輪到玩, 中暑咁滯, 今日假期就簡單輕鬆D去🛍商場行下食下野, 揀左Aussie Grill by Outback食晚飯, 請呀仔食佢最鍾意既薯條。唸住下午5點到早D食晚飯會無咁多人, 點知有好多人同我地唸法一樣, 餐廳都幾FULL下, 對面嗰間金子半之助都係一樣咁多人。我地點左經典美國牛肉芝士漢堡🍔同美國和牛切片西冷, 同樣揀左配炸薯條再加兩杯可樂。經典美國牛肉芝士漢堡 - 訪問左老公, 佢讚個麵包烘得香脆鬆軟, 芝士🧀同醬汁份量都落得剛剛好, 唔會話太少有時食到一兩啖會無味, 又唔會話太多整到個包淋曬或者瀉曬出黎。但老公話塊牛肉略嫌比較乾身。美國和牛切片西冷 - 見到和牛呢兩個字唔使唸即叫。呢份美國和牛食落口並沒有食緊和牛既感覺, 我會覺得佢係一份質素唔錯既美國西冷。沒有和牛既嗰種獨特油脂香味, 入口亦絕不軟嫩。不過以一塊牛扒黎講, 佢係好味既, 牛味濃郁口感紮實, 都容易咬開, 無油膩感, 食多幾片都唔怕。但我想建議一下可否不要全用火箭菜舖底呢, 只用火箭菜太苦喇。炸薯條不錯, 三個人兩份薯條絕對夠食, 份量好多, 調味也剛好。還有任拎茄汁和任斟汽水都係佢地
我地點左經典美國牛肉芝士漢堡🍔同美國和牛切片西冷, 同樣揀左配炸薯條再加兩杯可樂。
經典美國牛肉芝士漢堡 - 訪問左老公, 佢讚個麵包烘得香脆鬆軟, 芝士🧀同醬汁份量都落得剛剛好, 唔會話太少有時食到一兩啖會無味, 又唔會話太多整到個包淋曬或者瀉曬出黎。但老公話塊牛肉略嫌比較乾身。
美國和牛切片西冷 - 見到和牛呢兩個字唔使唸即叫。呢份美國和牛食落口並沒有食緊和牛既感覺, 我會覺得佢係一份質素唔錯既美國西冷。沒有和牛既嗰種獨特油脂香味, 入口亦絕不軟嫩。不過以一塊牛扒黎講, 佢係好味既, 牛味濃郁口感紮實, 都容易咬開, 無油膩感, 食多幾片都唔怕。但我想建議一下可否不要全用火箭菜舖底呢, 只用火箭菜太苦喇。炸薯條不錯, 三個人兩份薯條絕對夠食, 份量好多, 調味也剛好。還有任拎茄汁和任斟汽水都係佢地既賣點。
張貼
