影片
更多
2023-02-23
1286 瀏覽
自從轉咗去九龍城返工，出去食飯好多時都係嚟梭椏道，貪佢夠近，就算約埋舊同事嚟一齊食都好方便。知道哩間餐廳係銅鑼灣都有分店，但每次想去食都係大排長龍，一直都冇機會食到。去梭椏道食飯有樣好，晏晝啲餐廳比較靜🤣好容易就會搵到位，而且又唔會點撞到同事，可以暢所欲言🤫招牌香草平鐵牛扒 ($160)Herbly Flat Iron Steak增量版香草平鐵牛扒 ($230)Extra Large Herbly Flat Iron Steak牛扒有正常份量，同加大份量。正常份量大約8oz；加份量大約12oz。女士食8oz一定夠哂，男士可以考慮叫加大。以上午餐仲有附送薯條 或 沙律 或 湯，三選一，同時包埋餐飲。唔係特別大食嘅男士，正常份量都夠哂。肉質好淋，肉味唔算好濃。牛扒配焗蒜一齊上，碟旁邊撒咗一啲粗鹽。我揀咗五成熟，切開睇到煎得岩啱好。跟餐嘅薯條係瘦薯條，聽朋友講以前晏晝嘅薯條係任食，宜家只係得返夜晚先有任食薯條。薯條炸得香口，份量都幾多，叫一份兩個人分都夠哂。當然，任食嘅話會更開心😝
知道哩間餐廳係銅鑼灣都有分店，但每次想去食都係大排長龍，一直都冇機會食到。
去梭椏道食飯有樣好，晏晝啲餐廳比較靜🤣
好容易就會搵到位，而且又唔會點撞到同事，可以暢所欲言🤫
招牌香草平鐵牛扒 ($160)
Herbly Flat Iron Steak
增量版香草平鐵牛扒 ($230)
Extra Large Herbly Flat Iron Steak
牛扒有正常份量，同加大份量。
正常份量大約8oz；加份量大約12oz。
女士食8oz一定夠哂，男士可以考慮叫加大。以上午餐仲有附送薯條 或 沙律 或 湯，三選一，同時包埋餐飲。
唔係特別大食嘅男士，正常份量都夠哂。
肉質好淋，肉味唔算好濃。牛扒配焗蒜一齊上，碟旁邊撒咗一啲粗鹽。我揀咗五成熟，切開睇到煎得岩啱好。
跟餐嘅薯條係瘦薯條，聽朋友講以前晏晝嘅薯條係任食，宜家只係得返夜晚先有任食薯條。薯條炸得香口，份量都幾多，叫一份兩個人分都夠哂。當然，任食嘅話會更開心😝
張貼
