影片
更多
2023-02-05
2657 瀏覽
📌 安平燒肉 - 旺角彌敦道593-601號創興廣場9樓🗓(2/2) 星期四 ⏰ 晚上7:30左右 💈特式：日韓燒肉我諗大家都試得多，但台式燒肉係香港就比較少見，餐廳位處於出名多食肆嘅創興廣場，餐牌亦好簡單易明，分開4個唔同價位，食物質素同種類都會因應價錢有所不同，由最平餐55款食物到最高級餐超過100款食物，食物種類真係一d都唔少。🥩🍔🌭🌮🥗🥯🥘🍲🍝🍣🥟🍤🍱食物：今日就試佢最高級別個餐，如果睇啱時間入坐仲有優惠，$400都唔洗就可以食到超過100款食物，仲要係任食澳洲M5和牛，等我同大家講下🇼🇸燒肉味道先。澳洲M5和牛120分鐘吃到飽 - 呢個餐除左可以任食澳洲M5和牛同安格斯牛小排外，佢仲會另外贈送嚴選牛舌芯，當然仲有一d海鮮嘅選擇會多左。因為食物種類繁多，我會揀當中我覺得好食或者比較少見嘅食物去推介比大家。肉類 - 淨係肉類牛/豬/雞都有唔少選擇，但最出色一定係跟餐贈送嘅嚴選牛舌芯，入口爽口Q彈，又有肉味同油花香。此外，M5和牛同安格斯牛小排亦都相當一流，每次出菜個質素都keep到一致水平。仲有秘製牛肋條/山椒牛柳丁/安格斯牛板腱都好高質，個人私心最推介係香辣雞心，
🗓(2/2) 星期四 ⏰ 晚上7:30左右
💈特式：日韓燒肉我諗大家都試得多，但台式燒肉係香港就比較少見，餐廳位處於出名多食肆嘅創興廣場，餐牌亦好簡單易明，分開4個唔同價位，食物質素同種類都會因應價錢有所不同，由最平餐55款食物到最高級餐超過100款食物，食物種類真係一d都唔少。
🥩🍔🌭🌮🥗🥯🥘🍲🍝🍣🥟🍤🍱
食物：今日就試佢最高級別個餐，如果睇啱時間入坐仲有優惠，$400都唔洗就可以食到超過100款食物，仲要係任食澳洲M5和牛，等我同大家講下🇼🇸燒肉味道先。
澳洲M5和牛120分鐘吃到飽 - 呢個餐除左可以任食澳洲M5和牛同安格斯牛小排外，佢仲會另外贈送嚴選牛舌芯，當然仲有一d海鮮嘅選擇會多左。因為食物種類繁多，我會揀當中我覺得好食或者比較少見嘅食物去推介比大家。
肉類 - 淨係肉類牛/豬/雞都有唔少選擇，但最出色一定係跟餐贈送嘅嚴選牛舌芯，入口爽口Q彈，又有肉味同油花香。此外，M5和牛同安格斯牛小排亦都相當一流，每次出菜個質素都keep到一致水平。
仲有秘製牛肋條/山椒牛柳丁/安格斯牛板腱都好高質，個人私心最推介係香辣雞心，我一個人都食左佢成20粒。
海鮮 - M5和牛餐會包埋烤帆立貝/爽彈虎蝦/屏東燒魚腹任食，海鮮好新鮮，尤其帆立貝同虎蝦size好大隻，亦唔會有雪藏味，燒魚腹又香又滑，都係必點之選。
台式小食 - 台式小食/燒烤都有大約20款，當中心水推介有好多，例如烤魚干/滷水涼拌鴨舌/甜不辣/墨魚香腸/奶油金菇/安平炸蚵卷/花枝排/鹽酥雞，真係淨食小食都飽到喊呀。
☕️🍵🥤🧋🍺🍷🥃🍹🧉🍾🍶🥛
飲品 - 飲品係自助形式，自行去雪櫃揀選，有幾走自家沏嘅冷泡茶，普通罐裝汽水及紙包飲品，另外仲可以叫珍珠奶茶/百香果綠茶/檸檬紅茶/冬瓜茶/紅火冰茶。
🍽環境：餐廳裝修同牛大人同出一轍，無論裝飾/醬料及飲品擺位都睇得出好用心，餐廳佔地都大，有唔少卡位，仲有一列長枱可容納一班朋友一齊用餐，抽風亦做得算唔錯，唔會好重油煙味，整體環境都整潔乾淨光猛。
🤵🏻🤵🏻♀️🤵🏻♂️服務：全程係用QR Code落單，但一埋位職員都好用心介紹menu/飲品區/洗手間位置等等，態度認真唔錯，上菜/收碟速度都好迅速，亦無漏單/扣單情況出現。
💰💸價錢：只可以話$400唔洗人均任食澳洲M5和牛燒肉，仲包埋海鮮同其他小食，食物種類超過百款，質素又好，相當合理抵食。
🐲💬總結：我覺得今日食呢個燒肉真心高質，食到飽飽又開心，我應該都會推介比其他朋友，又或者約埋一大班人嚟食，到時一定會仲開心。
推薦指數：❤️❤️❤️❤️🤍
嚴選牛舌芯
55 瀏覽
0 讚好
0 留言
50 瀏覽
0 讚好
0 留言
34 瀏覽
0 讚好
0 留言
23 瀏覽
0 讚好
0 留言
40 瀏覽
0 讚好
0 留言
40 瀏覽
0 讚好
0 留言
66 瀏覽
0 讚好
0 留言
張貼
