華園冰室

營業中

休息中

又係深水埗美食推介時間！今次推介嘅係一間茶記，佢話自己出名食清湯腩，所以一於試下！我今次叫左牛三寶米，即係有牛腩、牛肚同牛筋。先講湯底，有牛味，好清甜，唔似落左味精。牛腩、牛筋同牛肚都煮得好腍，好入味，但唔同其他餐廳嘅牛腩，因為花椒八角味唔會太濃，蓋過牛肉嘅鮮味。米粉粗幼同軟硬度都適中！另外我同事就叫左牛排雞蛋XO醬撈公仔麵。我試左一啖都覺得好好味，而且用XO醬撈真係好惹味，加埋蛋汁味道就更香啦！☺️🤤其實呢間茶記仲有好多嘢食都好吸引，而且唔算太貴，下次一定要試埋其他嘢食！