華園冰室

營業中

休息中

名過其實，我睇到其他人講個沙嗲湯底好濃好正，先會想試，點知黎到個湯勁清，啲牛肉凍既，浸左幾分鐘先熱。有少少失望，未必有下次。可能係我期望過高，其他人可以去試下以正視聽😂

下午茶時間，嚟到呢間舊式冰室，店內坐滿人，要搭枱坐喔！店內左邊是舊式平板卡位座，中間是方枱圓櫈，右邊是廚房。🍜 沙嗲金菇肥牛湯烏冬 (HK$42)．我見下午茶餐牌上寫是「鎮店之寶」之一，就叫咗一份．上枱時，就係清湯肥牛烏冬伴一大pat 沙嗲醬，金菇隱藏係底．沙嗲醬很濃很好味，與湯撈勻後，清湯淥熟嘅肥牛和金菇都變得好味，不過烏冬不掛湯，就是淡而無味的，整體比我想像的有落差🫢🍋☕️ 熱檸茶．是少數的茶餐廳用玻璃杯，而不是常見的奶茶/咖啡陶瓷杯，和有4片檸檬，茶底正常

今日同我老友 寫緊Michael jai 食飯 我地食咗清湯腩飯同埋先常餐清湯腩幾好食 但係唔係話要得登嚟食 周圍嘅牛雜鋪都食到 常餐就比普通冰室差少少😅😅😅只能夠講係overrated😅

今早，去深水埗，送完文件。心情像天氣，有點灰灰，唔去試新食店，直接去華園。11點幾，可以食早餐，或者午餐。搭枱那位大哥，叫午餐，飲雜菜湯，蒸肉餅，好香。定一定神，叫番我的至愛。濃香沙爹牛公仔麵，先呷一口帶粒粒花生粒既沙爹汁，它是主角，好香好濃，牛肉片都有牛肉味，雖然公仔麵烹得過淋，勉強接受，它只是綠葉。奶茶，今天比較稀些淡些，但我都計較。它都是綠葉。煎雙蛋和丹麥方包，都不错。好滿足既一個late breakfast.

深水埗見完客,街上又焗又熱,快步行入華園. 坐低,今次唔吃牛腩,試下煎豬扒公仔麵.豬扒煎得好香,肉質不错,唔會嗱到淋,冇雪味,公仔麵,一般行貨.凍奶茶,就好一般.下次都係叫熱奶茶或者茶走.服務員態度好好.不斷say sorry. 有部冷氣機壞咗,維修公司最快下星期才有時間來.快手快腳,食完即走.

今午天氣灰暗，有驟雨。要找喜愛的午餐，chill吓。開心是那麼簡單！華園既下午茶餐迷你牛腩飯+茶走(少甜)跟足提示，先喝幾啖湯,才吃腩。湯底香，今次感覺鹹了些，好飲。腩肉數片，都淋身入味，好正。迷你份量，令你有點到即止，淺嚐而沒有暴食既內疚感。茶走，有茶香，中度茶體，不濃也不淡，恰到好處。員工服務，十分好。甚多熟客。

深水埗區最出名係價廉物美，因為要去鴨寮街買嘅關係，中午食飯時間去咗深水埗，買完已經冇乜時間要趕返公司，求其經過一間麵店入咗去，睇餐牌以地區計我覺得唔算太平，有d飯類都要$ 70幾，所以最後order 左只係$44清湯牛腩麵，咁以呢個價錢我又覺得唔差兼且無投訴，牛腩都唔算少，而且咬落都幾鬆軟好味，牛腩無overcook或咬唔開，比起全香港最有名既清湯牛腩唔會差太遠，而麵方面亦都唔差，咬落爽口彈牙，$44呢個質素唔錯

聽朋友講深水埗有一間華園冰室 嘅清湯牛腩好出名.今次去開嗰度做嘢.就想去試下.我就點了招牌清湯牛腩河粉,一上枱就聞到好香嘅牛腩味道,第一時間就試下個湯底.果然湯底好清甜,大大件嘅牛腩更加好食,有咬口,又唔會好肥,有少少油脂,炆得入味又夠淋,肉質十分嫩滑,份量都唔少,超足料.河粉粗幼和軟硬度適中,入口順滑,份量都算多,好滿足.整體來說:服務員誠懇有禮,地方乾淨,價錢又唔算貴,真材實料,下次會再光顧,試埋其他食物.

清湯腩專門店既茶餐廳 平價食物有水準~!食到小菜小炒又食到粉麵飯,總有一樣岩你心水!招牌清湯腩 清湯腩 食之前當然必試佢清湯底先!標榜以二十幾種藥材，配以牛骨、豬骨老雞熬製而成確係與眾不同，入口鮮甜帶肉香又順口不油膩牛腩部分更加無得輸，軟硬適中牛肉味濃香嫰滑，絕不黐牙 而且份量十足叉燒滑蛋飯 用上滿滿既肥叉燒片炒香日本雞蛋蛋香嫩滑,肥叉燒厚切又甜又鬆軟, 呢度差不多有3隻雞蛋份量細食D既朋友可以打包一半留返下餐飯食,真係好食抵食大碟!再黎一件厚多士配鮮牛油走邊烘底夾鮮油,啖啖鮮油香味又脆又好食!消費$200華園冰室深水埗汝洲街270號地舖

一星期放肆一次嘅早餐，搬左黎南昌一段日子，通常一星期至少一次深水埗買餸，順便試下早餐，附近好多茶記，逐間試都有排試，今朝望左幾間，見華園有豬潤面早餐只係$33,有朱潤面，多士，炒旦，餐肉，奶茶，唔貴。奶茶:夠味，無反，夠滑朱潤面：湯冇泡夠羗味，雞粉味不太重。豬潤夠厚，爽身，冇血水味。面就一般大光面，淥得唔錯。多士：厚多士黎講都算香脆炒旦，餐肉就一般茶記貨色回頭程度：應該會再去

下午茶輕食之選，牛筋麵，＄３２　份量不少，有４—５件牛筋，而且每件牛筋都有起碼一隻手指長，＄１蚊硬幣的粗度，絕非碎上牛筋吃起來沒有Q彈的口感，而且較為黏口也不是軟身，不是入口即溶，嚼起來有少少硬實沒有肥膏，但色澤較淺，沒有鹵汁／腩汁味道麵條沒無梘水味，質感不是太軟滑偏硬身，雖不彈牙但也算爽口，但蛋香久奉，不過算是中規中矩，比不少雲吞麵店的蛋麵質素高湯底不太鹹，如果可奉送一條菜更佳順便一提，店員及收銀員工作效率高而有禮，正宗的「快靚正」員工

我住深水埗，經常會幫襯，食物出品好味，價格大眾化，尤其係潮州粉麵，無論係清湯腩，雲吞或魚蛋等…，下午茶時間，有個招牌清湯腩飯，或者炸醬雲吞撈麵連凍飲…等，都係41蚊絕對超值，最重要係真心好食，我覺得係深水埗區首選……

行完山很累又不太肚餓，只想食一個簡單的下午茶，朋友推介去華園冰室，他說有個很出名的牛腩我一定喜歡。我哋叫了牛腩米粉和牛腩河粉，河粉質地幾滑，清湯牛腩真係做得非常好，牛腩肉質鬆軟有口感，肉帶點點肥但不會散出來，冇影響清湯的清澈，而且湯有肉的甜味，不油不膩，相當滿意。

一向都知道呢間喺深水埗都算出名，到後來佢轉做黃店更加覺得要支持下先得！💪🏼💛當日朝早去到嘅時候好多人喺門口排隊，原來係派發飯卷俾有需要嘅人，果然係良心食店！👍🏻==============================🍴華園冰室 📍深水埗汝洲街270號地舖 ⏰星期一至日 06:00 - 22:00==============================1️⃣【沙嗲牛肉通粉🍲】$31配腸仔炒蛋🍳牛油厚多士🍞又揀咗沙牛啦，真係食極唔厭😝牛肉每舊都好大舊好嫩滑，不過有幾舊有少少筋🤏🏼沙嗲醬好香花生味，亦好濃郁🤤通粉真係好大碗，唔太淋，正常發揮值得一讚嘅係佢竟然有菜🤩仲要係新鮮爽口嘅生菜🥬一般嘅茶餐廳好少可會俾多條菜😂腸仔正常，係廚師腸。炒蛋就唔太滑，有點過熟。厚多士好脆口又熱辣辣，唔錯！😆(🔥怒食指數：8/10)==============================🔥評分：環境：6.5/10 味道：8/10性價比：8/10總分：7.5/10==============================

華園冰室的清湯牛腩 真是名不虛傳，今天皆朋人去午餐，我們叫了一個鎮店之寶 招牌清湯腩飯 $52，一碗滿満的牛腩送上，見到就知它很淋滑。冰室的溫馨提示： 第一啖先飲湯，後吃牛腩，確實你試吓那個清甜的味道，湯底用牛骨、豬骨、老雞及二十多種藥材經十多小時餚製而成，湯很鮮甜，再吃充滿肉汁的牛腩，入口感到肉質鬆軟，牛肉味很出，非常好的清湯牛腩。朋友也說好多時食清湯腩都會遇到牛腩過肥的現象，這兒的就冇這個問題，他也超贊。華園魚皇 $48 有魚片頭、魚皮餃、魚蛋、炸魚皮，魚皮餃好好味，魚肉皮咬下質感非常之好，魚片頭大大件有魚味，魚皮就脆卜卜，簡單食物，製作認真，非常好。