標記樂園潮州粉麵菜館

營業中

休息中

今日同朋友喺深水埗行完街就黎左呢間標記樂園食粉麵，我地嗌左個兩個粉麵，一碟油菜，一個小食 同埋兩杯野飲。粉麵方面，牛雜河啲牛雜分量都幾多，啖啖牛雜好滿足，味道方面冇內臟嘅異味之餘，五香味好入味 牛肚牛腸都好爽口。跟住仲有個牛三寶撈麵，有牛腩，牛肚，同牛筋，牛腩肥瘦比例啱啱好，煮得夠淋，牛肚爽口，牛筋煮得入味夠軟熟，另外麵嘅分量夠多，麵質爽口，不得不提係就係個秘製撈麵醬，食落好香蔥油味，唔會太鹹，一碟仔撈麵醬啱啱好撈一碗麵，蠔油菜心都不過不失。小食方面，呢個香脆炸墨魚丸外皮唔會油淋淋，食落好酥脆，墨魚丸好彈牙，唔點醬食就食到墨魚嘅鮮味，點泰式辣醬食就惹味啲。飲品方面，我地嗌左紅豆冰同凍檸賓。紅豆冰啲紅豆可能煲得唔夠爛，紅豆味較少，而凍檸賓都幾好飲。