龍莊

營業中

休息中

今日一行四人預祝父親節，同屋企人食當然揀番中菜啱佢地口味。之前食過2次龍點心已經覺得正，所以試下佢嘅中菜，呢間就主打創意新式粵菜～最近仲出左夏季餐單，以山野為主題🥢磯煮鮑魚每位即場做會員同like社交平台就送磯煮鮑魚一客，size夠晒大隻，仲有乾冰襯托夠晒有氣勢，鮑魚煮得入味，帶輕輕嚼勁🥢椒鹽鮮魷 $88外層金黃色，椒鹽味唔重，魷魚爽口，炸得幾脆，唔算太大碟🥢迷你冬瓜柱脯 $68/位冬瓜湯以小盅呈上，每碗都熱辣辣，入面有一件瑤柱釀節瓜，消暑🥢鴛鴦帶子蒸豆腐 $88擺盤幾靚，分咗兩款口味，一款係黃辣椒，帶辣勁，惹味。另一款就係廣東做法，用上梅菜蒸，配上鮮甜帶子，豆腐口感嫩滑🥢南乳炸雞件$128雞件醃得好重南乳味，所以炸起顏色較深，雞件唔會太乾，帶淡九層塔香🥢碧綠煎釀羊肚菌$108食得出好有鑊氣，蝦膠釀入羊肚菌入面，爽口又彈牙，加入紫山藥、芥蘭、紅黃椒一齊炒，顏色五彩繽紛🥢海皇泡飯$118夏天幾適合食泡飯，入面有蝦仁、魷魚粒、絲瓜、冬菇粒等，材料豐富，加入上湯，口感濕潤，天氣熱更加易入口🥢前菜前菜係桂花雙色小番茄，清甜開胃🫖茶位$12/位