PLAYT 咖啡廳

營業中

休息中

父親節去咗食自助餐，上網訂仲有八折，自助餐嚟講價錢都算合理啦，我哋食早輪五點至七點十五分。嘢食種類都豐富，味道好味，要讚一讚先，呢度啲侍應碗碟嘅密度都算好高。唔使我哋叫，先換碟。海鮮種類豐富，有生蠔、龍蝦、長腳蟹、蝦、青口…… 生蠔係法國嘅，雖然唔係好大隻，但新鮮，即場開。熟食有燒烤，羊架、牛扒，牛扒幾好食，冇筋。熱食，蒸魚、燒味、炒菜、伊麵……冬菇鮑魚，鵝掌呢個都好食，煮得好入味。冷盤，沙律、芝士、生蝦……凱撒沙律，好味，我鍾意啲醬汁。魚生類，三文魚、帶子、油甘魚，正正常常不過不失。燉湯，冇味精，好飲。甜品類，拿破崙夠鬆脆。有朱古力噴泉。雪糕有Movenpick。