糖心軒

營業中

休息中

之前中午去過奧海城糖心軒飲茶味道不錯，今次媽媽一早訂了4位晚飯，不過都要8點先訂到位，我想是由於酒家面積不大，枱數不多。 媽媽點了4隻18頭鮑魚，一條青斑，一隻炸子雞，和一個雜菜煲。先來鲍魚，爸爸都有點認識，讚鮑魚靚😍，話心紅色切起來又啜刀喎。我只知好好味道。炸子雞都好好味，有鷄味冇雪味。仲聽到隔鄰枱想叫時侍應講已沽清。這時更加覺得好味😂雜菜煲有芥菜，菜心，白菜，西蘭花，全都不會太淋，好味👍 最後送上甜品係腐竹糖水，這個真是驚喜。第一次食有粟米的腐竹糖水，食落有粟米香味，不太甜，真的好好味。這餐吃得開心又美味，真值得一讚