劉興記生煎包專門店

營業中

休息中

多年前去過上海一直記掛住上海嘅美食，實在係太岩我胃口。而係香港只係食過兩間都有少少上海風味嘅餐廳；一間係金滿庭、另一間就係呢間啦。唔知大家有冇去過上海呢？上海有間連鎖食生煎包嘅叫（小楊生煎包）👈🏻第一次食已經非常驚喜。而今次呢間香港開嘅生煎包嘅湯汁比小楊生煎包更多，平均有三小啖湯汁，姐你係要吸三啖湯，生煎包入面嘅湯汁先會完全比你吸乾😱。味道清淡得黎又不失豬肉嘅鮮甜。但係如果你有食過上海小楊生煎，兩者比較上 小楊生煎 係更濃，口味上亦比較多款，如果大家未食過上海生煎包，今次呢間我個人強烈建議！食！唔食味精嘢朋友仔都可以去試試（有冇味精唔敢講，食落感覺唔到有）（深圳近年都有開咗小楊生煎但都比唔上上海）另外，我10分推 蟹粉生煎包 $18/ 1粒 ，但好重蟹味比上海重一定要！食！。其餘菜式都唔錯🤓👍🏻重點係佢唔太貴，但又唔會太大份岩岩嘅夠飽，而且大家唔好睇小 生煎包 ，佢係好飽肚女仔一個人食6粒就已經夠飽。