劉興記生煎包專門店

呢間連鎖店成日經過 但係都無入過去食🫢主要係我以為真係得生煎包🤣🤣🤣原來係仲有小籠包 菜飯 等等🤣真係好彩今日個friend堅持要食呢間 一入到去姐姐已經好nice咁斟咗2杯豆漿比我哋🥰原來佢地豆漿係仼飲 (滿指定金額)食緊嘅過程中 都好積極幫我哋添 連舉手都唔使🤭招牌炸豬排菜飯 + 生煎包1隻叫咗呢個set都真係幾抵，仲可以少少地食隻生煎包解下癮生煎包好似佢所講 真係爆曬汁🤣唔怪得咁有自信，講到明唔爆汁可以即場叫佢換啦另外個炸豬扒係我鍾意嘅style唔乾 炸粉唔厚 之後仲叫咗一籠蟹粉小籠包，堅有蟹粉🤣雞湯小雲吞個size啱啱好，唔會太濟…查看更多

好味生煎包😋😋😋黎到大圍未諗到食咩好，就周圍行下，行左一陣就見到之前食過ge生煎包。梗係想回味一下。入到餐廳，人唔算太多好快就搵到位。點餐方法係掃code 落單，由於沒有提供餐牌，只好係電話睇下有咩食。而我就點左招牌雞扒菜飯，食落雞扒十分滑，一點也不會鞋口。由於個生煎包太好味，忍唔住叫多左兩隻，生煎包裡面個湯，好濃郁，肉都好滑口。值得一讚係咁熱天氣，職員見我地坐低，都好快俾左杯豆漿，解暑一流，值得再幫襯🥰…查看更多

今日特登避開繁忙時間來大圍劉興記食個快餐。這店出名生煎飽當然係有原因，除咗皮薄餡鮮煎得香脆外，仲能鎖住好多肉汁，難怪長期人龍出現👍 佢哋對自己品質有信心，如果生煎包唔爆汁可即換。平時必食係原味生煎飽，今天再試埋佢哋其他口味先。🔸蟹粉生煎包- 湯汁有蟹黃香味，肉質仲含有粒粒蟹籽口感滿足🔸瀨尿蝦生煎包- 入面包住瀨尿蝦碎，滿滿鮮味🔸鮮蝦生煎包- 鮮蝦彈牙肉質鮮嫩🔸小籠包- 即叫即蒸，皮薄嫩滑豬肉餡鮮味，夾住薑絲香醋汁食可以去膩除咗生煎包外，我哋再叫埋麻醬雞絲青瓜粉皮都好吸晴，份量足料麻醬好香，混埋青瓜絲食非常醒胃佢哋仲有好多套餐選擇而且好扺食， 豆漿仲無限添飲…查看更多

位於大圍積信街的劉興記，是一間專注於上海風味的街頭小店。店面雖小，卻經常人龍不絕，其即叫即煎的生煎包，是不少街坊鄰里心馳神往的美味。招牌生煎包絕對是必點之選。包底煎得金黃香脆，一口咬下，外皮鬆軟，內裡熱騰騰的湯汁瞬間湧出，肉餡鮮美多汁，令人回味無窮。搭配的酸辣麵亦毫不遜色，麵條彈牙，湯頭酸辣度平衡得宜，非常開胃。糖醋排骨菜飯也展現了地道風味。排骨炸得外酥內嫩，裹上酸甜適中的糖醋醬，非常惹味，與清淡的菜飯同吃，恰到好處。總體而言，劉興記以實惠的價格提供高水準的上海小吃，鑊氣十足，風味地道。儘管環境樸實，但為了那一口爆汁的生煎包，絕對值得專程到訪大圍一試。…查看更多

大圍店座位等得18個，間鋪超級迫。勁多人趁熱鬧貪新鮮試新嘢，我都一樣。我坐正門口位，不停有人出出入入追外賣😒😒坐得勁唔舒服，啲杯碟碗又洗唔乾淨，又唔夠伙記，搵唔到人幫你換，又唔好意思叫人換🙂‍↕️上漏左一隻包，到最好追既時候，都答得好晦氣，漏咗一隻都係要等㗎啦⋯⋯我哋最後決定唔等埋單走，加上食物完全冇啲啲明星講到咁好食囉！總共叫左蟹粉生煎包、瀨尿蝦生煎包、蝦湯生煎包（所有包煎出嚟都係勁油，食兩啖都頂住唔想食）、蟹粉撈麵（超級多油，4個人分都可以油到食唔落）、咸肉菜飯（4、5咸肉極度求其）、蟹粉小籠包、原味小籠包（似公仔點心味道），全部都係工場食物 ，質素差！但價錢係平民大眾化，又有出下廣告，攪到咁多人排隊試，瀨咗嘢 ！…查看更多

星期六下午5點經過此店， 諗住試下話出名既生煎包😌外賣排骨飯餐雞絲粉皮餐4個生煎包仲要全部每個外賣餐要+$2／份共加$65點等到530都未有， 已經催過3次第一次話包煎緊第二次話炸緊排骨第三次再催又話包比左後面只叫生煎包外賣單痴線， 咩食店， 外賣唔係排隊， 你鐘意比邊個就邊個， 我等半個鐘都未有， 話我外賣多。2個下午茶餐+4個包都做唔切。服務員又愛理不理， 谷氣， 唔要啦。取消單， 全部都唔要， 唔等。堂食客都唔滿， 外賣單又唔多咁都做唔切。完…查看更多

上次食過劉興記嘅爆汁生煎包一直對佢念念不忘，今次去咗大圍分店食，排隊人龍同外賣生煎包嘅人仍然好多！入座提供嘅凍豆漿唔甜，帶有濃郁豆味，唔夠可再叫店員添加。🍽️鮮蝦濃湯生煎包(2隻) $28對上一次食咗原味同蟹皇味生煎包，今次叫咗鮮蝦濃湯味。生煎包底部煎得好焦香，入面加咗原隻蝦肉，令肉餡咬落更加有口感同時多一份鮮味。咬落口時熱辣辣，皮薄餡多，肉汁喺口腔內爆發，唔建議著白色或新衫！🍽️糖醋炸排骨 $30炸排骨份量好適合小小地加餸，酥脆嘅排骨加上酸酸甜甜嘅糖醋醬汁好開胃。排骨冇雪藏味亦唔難咬，唔錯。🍽️招牌炸雞扒拌麵 $45拌麵份量幾大碗，口感唔錯，好夠味。炸雞排外皮酥脆而且炸粉唔會太厚，炸完出嚟裏面肉質仍然鬆軟濕潤，果然係招牌。🍽️香煎豬排菜飯 $45茶飯比較乾身，菜粒份量唔少，每啖飯都食到淡淡嘅菜甜味，會令人想一啖又一啖咁繼續食。豬排好淋好入味，冇雪藏味，餸飯食唔錯。抵食，難怪經常排長龍！…查看更多

今日專程嚟到大圍嘅「劉興記生煎包專門店」，試咗幾款招牌菜，整體表現令人滿意！ 首先必點嘅**原味生煎包**，外皮煎得金黃香脆，一咬開湯汁爆出，肉餡鮮美又多汁，絕對係水準之作！搭配嘅**糖醋排骨菜飯**亦驚喜十足，排骨炸得外酥內軟，糖醋汁酸甜開胃，撈飯食簡直一流。 酸辣湯麵料足味濃，酸辣度調得剛剛好，湯底香醇，麵條彈牙，飲完成身暖笠笠。最後點咗杯豆漿，濃郁順口，甜度自然，完美中和油膩感。 餐廳環境乾淨，上菜速度快，價錢親民。如果鍾意傳統風味，呢度絕對值得一試！下次會再嚟encore生煎包同試埋其他小菜！ …查看更多

我最鍾意嘅生煎包就係呢度啦！🥟呢度嘅生煎包皮脆到爆，底部煎得金黃香脆，咬落去汁水爆發，超級滿足！佢哋有好多唔同口味，我最推介鮮蝦濃湯生煎包，鮮蝦味十足，每一口都好鮮味🦐，真係食到停唔到口！蟹粉味都勁香，原味生煎包亦唔錯，好傳統。而且佢哋超有良心，如果你嘅包唔夠熱或者唔爆汁，仲可以一隻換一隻，無得輸👍雞絲酸辣湯超足料，有好多雞絲同木耳、菇，湯酸酸甜甜，好開胃🍲。麻醬青瓜雞絲粉皮嘅麻醬好香濃，雞絲嫩滑，配上涼爽嘅青瓜絲同粉皮，清新夏日必食🥒最正係仲有得任飲豆漿，佢哋嘅豆漿無糖但夠香濃，好順口，配生煎包啱晒☕…查看更多

呢間放工經過經常見到好早已經排長龍，餐廳本身座位唔多，今次未夠六點去到，都要等位🤣不過食完覺得都值得👍招牌炸豬排菜飯：塊豬排超大塊，炸到金黃色，外皮香脆，但入面啲肉竟然仲好嫩好juicy，一啲都唔乾硬！菜飯既菜粒爽脆，唔會太油。生煎包：一咬落去，個包底脆到「咔」一聲，正！入面嗰湯多到爆出嚟，熱辣辣要小心燙親。豬肉餡鮮味十足，肥瘦適中，完全唔會膩。皮薄餡多，食落去好滿足！豆漿：呢度既豆漿係可以無限續杯👍豆漿比出面飲到既更有豆味，而且唔會甜，飲多幾杯都唔會太有罪惡感。招牌炸雞扒拌麵：麵質煙韌，咬落好有嚼勁，掛汁能力一流，伴有好香嘅乾蔥乾蒜，葱油真係靈魂所在，香到不得了，唔會太油膩，鹹度啱啱好，仲帶少少甜味，同麵撈勻之後每條都沾滿油香。雞扒炸得酥脆，肉質保持鮮嫩。蟹黃生煎包：同普通生煎包最大分別係蟹黃嘅香味好出，仲食到一絲絲蟹肉，鮮甜得嚟唔會腥。豬肉餡同蟹黃比例啱啱好，唔會搶咗蟹嘅鮮味。…查看更多

去開大圍做野，想快手食餐飯先返屋企。咁岩見到網上之前有人介紹依間餐廳，所以趁少人即刻入去試下。環境：餐廳唔算大，但快食及輕食黎講，都ok的😊食物：食物質素高，係上海菜既正宗味道🥰招牌生煎包-包好鬆軟，底部則煎香少少脆口👍🏻肉餡料非常足，一咬落去肉汁係「爆」出黎，冇誇張，食時要小心！小雲吞湯麵-雖然叫小雲吞，但有成6粒，其實女他係食一半已半飽🤣雞絲酸辣湯-雞絲啖啖肉，係食得過癮！酸辣湯唔算太辣，應該大部分人都岩！麻醬手撕雞絲冷麵-叫左多醬，岩哂夏天食。本身唔算開胃，但我媽最後都食哂成碗😌價錢：招牌生煎包（$35），小雲吞湯麵（$36），雞絲酸辣湯（$36），麻醬手撕雞絲冷麵（$55）…查看更多

夜晚一個人喺大圍揀咗呢一間生煎包專門店食。一坐低已經擺咗一杯豆漿，佢哋嘅豆漿好好飲，唔會太甜。叫咗一籠小籠包， $40有4隻，正常質素，湯汁都多嘅，不過肉就比較普通。然後叫咗一個豬扒菜飯同生煎包。菜飯嘅份量超級大，一個人食到好飽，佢哋嘅炸豬扒好出色，炸得好脆，熱辣辣，而且肉質鮮嫩，好推薦大家可以叫。最後最重要嘅就係生煎包，呢個係佢哋嘅招牌，果然冇錯，個底煎得好脆，入邊啲肉汁熱辣辣，爭啲淥親個嘴，湯汁濃，而且呢嚿肉比小籠包入邊嚿肉係好食好多。…查看更多

當初這裏新開的時候曾經來過，想不到短短數年時間，已經有多間分店在不同區域，證明食肆出品有一定的保證。今天下午趁着空檔，便再來到這裏。招牌生煎包六隻$50，生煎包的底部香脆可口，生煎包的表面鬆軟，內裏餡料十足，注意內裏的肉汁熱騰騰的，進食時要小心。這裏標榜招牌生煎包如果不香脆，不熱，可通知店員這個保證證明對自己出品有信心。瀨尿蝦生煎包兩隻$28，內裏果然有瀨尿蝦的鮮味，其餘跟招牌生煎包一樣外脆內軟。原味小籠包，四隻$40，小籠包皮薄，內裏肉質豐富，餡料十足，加上醋和薑絲，味道更加好。由於是即點職做的，所以需時20分鐘以上。烏龍茶$12，因為吃生煎包都會有油膩感，所以喝茶可以解油膩。…查看更多

成日見到劉興記門口排長龍，一試就明白點解咁多人捧場首先環境方面，店舖唔算大，但翻枱快，唔使等太耐。服務態度親切，落單效率高。//生煎包佢哋有個「唔爆汁包換」政策，對自己品質好有信心！底部煎到金黃脆口，頂部灑上蔥花同黑芝麻，賣相吸引。咬落去即爆汁，湯汁滲入豬肉餡//炸豬扒菜飯豬扒即炸，外皮酥脆唔油，切開仲見到肉汁，唔會乾柴。配菜飯係傳統上海做法，菜粒炒得香口，飯粒分明，唔會濕笠笠。加埋少少蔥油，簡單但好味。//豆漿任飲店員會主動添飲，豆味香濃唔會太甜，炎炎夏日飲落好解暑//蟹粉拌飯Encore!!!…查看更多

5點半到立刻有位，遲多半個鐘就開始排隊。今次點咗蟹黃拌麵同蟹黃生煎包，呢個價錢的蟹黃份量算足料，蟹味鮮唔腥，值得試。雞絲酸辣湯料足，木耳爽脆，湯質濃稀及酸辣度均勻，保持到水準。生煎包真係有足一湯匙湯汁，論肉質，我覺得相比中那間出名食生煎包的更鮮嫩。點套餐可享豆漿添飲。見議唔食辣都要試少少佢哋嘅辣椒油，好上頭，正！ 但糖醋炸排骨有點失望，個汁似‘’生炒骨‘’唔係糖醋，排骨肉少骨大。店舖細細，但見佢哋接好多外賣單，所以食材都好新鮮。…查看更多