馬辣台式鴛鴦火鍋 (創興廣場)

營業中

休息中

沒想到火鍋放題都可以咁精彩，在旺角馬辣，自助形式，首先調味料都已經有二十多種，丸類有十多種選擇，其他分別有蟹柳，午餐肉，菜，花膠，冬菇，餃類，海鮮，雜菇，等等。數得出火鍋基本上都有，任君選擇。至於所有肉類都係在枱上✔單，牛肉都有幾款，羊肉，豬肉任君選擇。我自己就比較覺得最好味就是美國prime頂級牛梅花，牛肉味夠重，唔會有雪味，吾會嚡口，第二就是美國cab安格斯黑牛,肥度適中，有口感。湯底可選擇鴛鴦鍋，今次我選擇麻辣(小辣) 同埋芫茜皮蛋,麻味夠重，唔算好辣，皮蛋好多，芫茜夠曬香濃，打邊爐非常之夾。汽水，啤酒，冬瓜茶等等，都已經有二十多種，估唔到係竟然有果汁先生，因為好少放題有。最後係dreyer's雪糕，分別係有朱古力，士多啤梨，雲呢拿同芒果，以依個價錢都可以食到咁高質素嘅雪糕，非常滿足。