鵞鱻館

營業中

休息中

呢間開喺荷里活廣場嘅中菜館，係食粵菜同海鮮為主。見佢個店名咁特別，大概燒鵝同海鮮應該會係佢哋嘅招牌菜🤔！上星期同屋企人喺呢度食午餐，叫咗個叉燒飯同埋燒鵝髀飯，另外再叫咗一碟菜心。❣️叉燒賣相唔錯，肥瘦適中，肉質軟嫩，唔會太肥膩，又唔會太乾。而且帶微微嘅蜜糖甜味，將叉燒厚切，口感Juicy。❣️燒鵝髀飯都唔遜色，燒鵝髀啖啖肉，雖然皮唔算太脆，但係肉質嫩滑，配酸梅醬冇得輸。👍🏼❣️菜心鮮嫩翠綠，爽脆帶微甜，灼得剛剛好。呢餐幾滿意，下次有機會希望可以試吓佢哋嘅中菜同海鮮。