鵞鱻館

鵞鱻館外國朋友遠道而來，作為東道主嘅我當然熱烈歡迎啦，朋友仔話想食啲好香港地道特色嘅嘢食，醒起荷里活呢間小菜館（個名唔係好識讀，求指教）水準好高，一於嚟帶佢食餐好西，盡顯香港人嘅好客之道😍兩人精選全包宴（$416）呢個價錢包咗加一、茶芥、前菜，有鮑魚有燒鵝有蝦，非常超值，仲要每一道餸都非常美味，外國朋友仔食到舐舐脷，仲話香港果然喺美食天堂，好羨慕我哋可以日日食好西喎😆🍗 燒鵝皇拼盤（燒鵝兩件、燻蹄、青瓜、海蜇）燒鵝有兩件，油香膏甘，不過呢兩件都唔係多肉嘅部位，都明嘅，真係食燒鵝就起碼叫個例牌，一人一件開心下就算~燻蹄、青瓜、海蜇都入味🐟 桃膠海皇羹原盅上！好熱！食到外國朋友大叫好好味！呢個佢話係成餐飯最鐘意！桃膠乾淨，材料有蛋花、帶子粒、蝦粒，海鮮咸香豐富，稀稠適中，滋補可口🫙 椒鹽鮮鮑魚鮑魚已經切好離殼，好方便食，椒鹽惹味，肉質軟腍，小小辣味更加調起鮑魚鮮活嘅甜味重點係，同朋友食飯有隻鮑魚嘆，成件事認真威😎🍤 百里香炒蝦球百里香令到件事好西式😆材料仲有荷蘭豆、雜菇、三色椒，蝦球有四大粒，去腸乾淨，爽脆鮮甜🥬 上湯浸時蔬今日嘅係蒜頭生菜，正正常常一碟菜，飲食均勻🤟🏻🍚 櫻花蝦炒飯櫻花蝦落得好多！超級香！食起嚟仲係脆脆！一睇就知道炒飯炒得靚，夠乾身又粒粒分明，菜心粒同櫻花蝦令到個炒飯口感好豐富，朋友話已經食到好飽都忍唔住要啪哂成碗！🧊 特式清熱冰粉黑糖口味，話哂成餐飯都食唔少熱氣野，食返碗涼透心冰粉，balance哂~🤸🏻‍♀️🥠 精美靚糕點今晚係黑糖糕！濃郁嘅黑糖香氣與綿密嘅口感完美結合，食落幾清，唔會太甜，口感軟糯，令我諗起有丁點似白糖糕作為一個埋尾甜品非常完美👍🏻食完我地都坐好耐傾計聚舊，店員姐姐無催無趕，仲叫我地慢慢坐同行朋友話呢一餐無論環境定係味道都好滿足到佢對「香港」嘅想像，可能真係「只緣身在此山中」啦，作為香港人對好多日常都習以為常，無諗過呢啲咁隨處可見嘅風景對其他人係咁有香港味，食完呢一餐飯我又有一番新嘅體會啦…查看更多

本身都會周圍試菜但很少寫食評，當日用餐後結果令人意想不到，平凡菜式做到色香味俱全 。不得不點個讚， 實屬高水平之作。頭盤 五花腩燒肉 皮脆肉嫩有肉汁 賣相討好 咕嚕肉 一口酥脆 甜酸味平衡得很好 配菜也用心燒鵝 親戚也多有讚許文昌雞 鮮味突出 肉嫩度還可以 無配佐料 也很可口 勝似全盛時期的‘’華香雞"最印象深刻係 瑤柱蛋白炒飯 ，飯粒非常爽身完整，有鮮香味，材料平衡得很好，表達鮮明，屬酒店級水準， 在席尾壓陣有驚喜效果（多數席尾炒粉麵都很雞肋）感覺到用心 值得表揚甜品也很貼心 絲滑椰香 不甜不膩 港式口味。（西米露加粟米是平衡口感？但我覺得效果也正面）席上其他菜式也很好 不逐一點評了期望保持水準，帶動良性競爭，可為留港消費，留下一點火種。…查看更多

1月18日揾食肥華同靚媽選擇咗和大細仔仔喺及細仔仔女友在呢間酒楼食，今年嘅團年飯，雖然今晚,非常爆場，但此店卻安排到一張闊落大枱及舒適座位給肥華一行五人，享用今晚呢餐，全年最重要嘅晚飯，真喺非常感恩此店嘅安排，至於今餐食品嘅評價，個優惠套餐A。㈠原盅豐料燉湯，喺五指毛桃豬，雞腳湯，材料足味道好👍👍㈡如意珊瑚帶子味道OK👍(三)發財好市大利，全餐最差嘅一個菜，豬脷硬到食唔到，啲芡汁影响埋啲蠔味👎👎👎👎👎(四)清蒸金花尾，條魚夠新鮮，蒸得火路恰到好處可惜冇乜魚味👎👎(五)野箘粒粒浸菜苗，味道可以👍(六)明爐燒鵝皇，皮算脆肉夠多，有熱度，果然喺鎮店名物，無令人失望👍👍👍👍至於肥華另加嘅三道菜式(一)海南文昌雞，連嘴尖嘅大仔仔都話呢隻雞，仲好食過碟燒鵝皇，咁就喺👍👍👍👍👍(二)琥珀合桃芥苿頂級和牛粒，味道材料圽有上佳水準，不過份量較少要扣分👍👍(三)啫啫豬頸肉，叫咗唔食唔得，唔叫呢個菜都冇損失👎👎👎總結今年呢餐團年飯，肥華一家人都食得開心滿意，加上此店員工對顧客嘅到位服務，今餐值！👍👍👍👍👍😘😘😘😘😘…查看更多

姐係本身都極少寫食評但真係嬲到忍唔到野食方面呢 係ok ge但服務態度真係差到一個點3個人入座食咗一個鐘咋 就係咁收走你啲碗碗碟碟想講其實我仲有一碟根本就未食完佢一野就收走埋我隻碟成堆人圍住你張枱執執執 趕住去投胎咁款擺到明就係趕你走真係離哂大譜個重點係你地個場有唔係full仲有啲吉枱 所以真係唔明佢咁急趕客個意義喺邊你啲服務態度咁樣 啲野食幾好食都冇用啦絕對冇下次建議大家如果你食一個鐘就可以嘅話先好入去食 如果唔係佢地會趕你走的…查看更多

呢間開喺荷里活廣場嘅中菜館，係食粵菜同海鮮為主。見佢個店名咁特別，大概燒鵝同海鮮應該會係佢哋嘅招牌菜🤔！上星期同屋企人喺呢度食午餐，叫咗個叉燒飯同埋燒鵝髀飯，另外再叫咗一碟菜心。❣️叉燒賣相唔錯，肥瘦適中，肉質軟嫩，唔會太肥膩，又唔會太乾。而且帶微微嘅蜜糖甜味，將叉燒厚切，口感Juicy。❣️燒鵝髀飯都唔遜色，燒鵝髀啖啖肉，雖然皮唔算太脆，但係肉質嫩滑，配酸梅醬冇得輸。👍🏼❣️菜心鮮嫩翠綠，爽脆帶微甜，灼得剛剛好。呢餐幾滿意，下次有機會希望可以試吓佢哋嘅中菜同海鮮。…查看更多

朋友住黃大仙附近，今日約咗朋友喺鑽石山晚飯，飯店名為鵝鱻館，在荷里活廣場3樓，睇個名就覺得呢間飯店唔簡單，裝修都很靚吓，入座即刻睇吓食咩！鵞鱻館燒鵝皇，皮脆肉嫩有炭火香，鵝油豐富，睇層皮咁飽滿就知燒得好靚，得確係招牌菜，必食。椒鹽豆腐，豆腐用好滑嘅豆腐切粒上粉炸，外皮脆豆腐滑溜，咸味適中，炸蒜好香。欖菜肉鬆四季豆，四季豆炸過，整體肉鬆，欖菜同四季豆炒得唔錯，味道ok,四季豆保留少少爽脆。薑葱焗蠔，現在大部分飯店嘅一般做法，用桶蠔（我覺得太大隻），先上粉炸，炸完再薑葱焗，變咗面頭炸粉稔晒，影響口感。…查看更多

推薦： 生煎墨魚餅(大件好味)， 漁家小炒皇(香口脆口)， 上湯龍蝦煎米底， (非常厚肉好味)，我覺得售價不是特別平，但質素高，值得推薦，每樣小菜都好味非常好, 全班朋友都食得好滿足。(房間有卡拉OK聽歌唱歌傾偈吹水加分不少)…查看更多

話說老闆請食飯，訂左一圍，之前都有幫襯，所以大概知係你有咩拿手菜式。今次餐單有有脆皮乳豬，雞煲翅，杏片蝦球拼蛋黃茄子，龍蝦伊面，切雞，蒸魚，炒飯，非常飽足。最喜歡雞煲翅，湯頭濃郁，用料十足，非常鮮甜美味。乳豬皮脆肉嫩，龍蝦伊麵轉左煎米粉底，更加香脆，炒飯熱辣辣非常有鑊氣，唯一美中不足係蛋黃茄子的炸粉太厚，味道有點咸，其他都大致正常。最後仲有蛋散做甜品，鬆脆不油膩。食物份量非常足夠，服務態度很好，會再幫襯。…查看更多

呢間酒家已經第二次光顧， 第一次啱啱開張的時候試過還不錯的， 但最近再試一次，發覺食物質素真的退步了， 比以前差了很多， 我哋叫咗個椒鹽鮑魚，上湯龍蝦伊麵，例牌燒鵝和炒青菜！ 首先講個上湯龍蝦加伊麵，個上湯基本上都係用生粉打芡，沒有什麼上湯味道可言. 另外就係個椒鹽鮑魚，呢個簡直係失望之作，啲鮑魚黑蚊蚊， 咬落乾爭爭又硬，基本上都冇乜味道. 不過燒鵝就正常，沒有什麼特別！ 最令人氣憤的是服務員於我們剛剛吃完飯的時候便立即過嚟收碗碟筷子，但是隔籬左右周圍都係吉枱， 都冇人等位，真係摸不着頭腦！ 當時正值大約晚上八點，咁嘅質素難怪已經冇客人了！…查看更多

今次第二次幫襯，年十三帶埋奶奶黎食生日飯，由於三個人都是細胃組織，所以決定散叫，點了例鵝、肉鬆黃金魷魚鬚、山楂咕嚕肉。例鵝鵝皮比上次多了一層肥膏，但肉質咬落依然軟熟。肉鬆黃金魷魚鬚，賣相一樣，有蛋黃香，但魷魚比上次乾，似係雪左好耐再拎番出黎炸，完全唔合格，食左1/4已經放棄。山楂咕嚕肉，少有餐廳用山楂整，所以好奇一試，賣相唔錯，甜酸味適中，可惜粉太厚，肉又乾，又係食剩一半擺左响度，大快活應該做得好過佢。不只浪費金錢，還浪費一餐既時間。是否過年轉了廚師？過年前明明水準不錯，希望只是今次不好經歷。…查看更多

今年做冬到鵞鱻館，位於鑽石山龍蟠街3號荷里活廣場3樓320C號舖。 店內環境非常迫， 可能樓底低感覺特別嘈吵。 當晚食圍餐 (八位用) $3880 ， 令收茶芥及加一服務費。 套餐有宮廷雞煲翅、 乳豬半隻、 姬松菌翡翠遼參蝦球、 卡邦尼龍蝦伊麵、 原隻鮑魚伴玉掌、 清蒸金花尾、 桃膠粒粒浸菜苗、 海南文昌走地雞、 五谷豐登、 慶團圓糕點。 每一款菜式都沒有特別， 普普通通的口味， 發揮得比較好就是清蒸金花尾， 入口都算嫩滑。 整體性價比不算高， 食物質素有待改進😉。  🏷️溫馨提示～ 整個用餐體驗均屬個人分享意見， 只作參考😊。 …查看更多

今天跟家人食餐便飯，去了礸石山那邊食，因為有家人話這家奄仔蟹幾好食所以也過來試試我們叫了一隻燒鵝🫶🏻😋今天有特價，而且大隻又肥美，燒得幾好♥️小炒王也炒得很香奄仔蟹有很多蟹膏，味道有點似月餅的蛋黃🦀💕也很好食，不過也不便宜，好像要388隻，但也是幾好味的🥰炸魷魚 炸得很香脆皮💕咕嚕肉山楂味很香，也很脆口😋食物質素嘅幾好，員工的服務態度也不錯👍🏻…查看更多

諗住是但搵間餐廳食個晚餐，點知就瀨野，一坐底就即有茶⋯一睇茶單，無咩選擇：普通咕嚕肉都要168$⋯⋯跟住睇左好耐都無咩岩食， 個服務員又係甘問睇好未？ 要叫未？ ⋯⋯趕頭趕命甘，，味道好一般，⋯⋯⋯⋯無下次 …查看更多

食物可以，但係服務態度極差，收銀員說話態度簡直不知所謂，我賣單嘅時候檢查有食物沒有上，她叫我坐回坐位上給我，跟住我話你外賣給我，他說會變水，就算變水都係我問題，起碼要有過呢個食物，之後就沒有給我，簡直一個不愉快的午餐…查看更多

龍蝦組合$5081️⃣上湯波士頓龍蝦伊麵底2️⃣椒鹽鮮鮑魚，新鮮食法，無咁悶，肉都夠淋，唔會硬掘掘3️⃣脆皮燒鵝皇，皮夠脆，肉質好淋蒜蓉粉絲蒸聖子龍蝦同聖子正正常常咁，冇乜特別🥬炒芥菜多咗舖頭有芥菜食，蒜蓉豆豉炒，好香菜又好甜👍🏻不過份量真係太少，五個人每人都無兩棵...🦑肉鬆黃金魷魚鬚呢一個係佢哋招牌菜， 味道係幾特別嘅有鹹有甜，不過實在有d細條，份量都少呢度食物ok，環境都唔錯，但份量真係全部都太少。。。💜●‿●💜🏡：👍🏻👍🏻👍🏻👍🏻😋：😋😋😋😋💵：人均300-400🚶🏻‍♀️：🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #荷里活美食 #中菜推介…查看更多