老川皇

營業中

休息中

第二次嚟哩間分店食，原來哩間都有串燒，上次母親節嚟以為無，今次同個frd嚟，佢勁細食，食少少嘢就話飽……前菜要咗碟窩笋絲，窩笋好fresh，好爽，不過食到底就嫌蒜味太濃，下次食，嗌少蒜先得。水煮牛肉，我哋嗌少辣，味道剛剛好，不太辣不太麻，而且花椒八角味很香，牛肉好滑好嫩，跟住食埋墊底嘅芽菜，吸晒啲味，辣到飛起！食得辣嘅人應該會好鍾意！再來就梗係食埋佢哋最出名嘅串燒！燒茄子必食！茄子好juicy，面頭鋪滿蒜蓉同孜然香料，惹味到爆！燒大元貝其實都係同燒茄子差唔多味，不過就淡味啲，元貝都算新鮮同大粒。