葉公館 (已結業)

有時懶唔想煮飯，出去食個小菜分分鐘仲抵。 一早睇中咗晚市超值孖寶 ($208)，專程為佢而黎。脆皮燒腩仔令我有少少喜出望外，因為好多主打燒味嘅餐廳都未必有好食嘅燒腩仔，估唔到呢度皮脆肉嫩非常高質。 我鍾意腩肉夠水潤而唔會太油膩，入味有肉汁，唔會死咸，脆皮酥脆。 鍾意燒腩仔嘅人就明白，要達到以上幾點真係唔易，連芥末汁都感覺到係師傅調較過，係好有心嘅出品。果皮蒸鮑魚唔算好大隻，勝在厚肉彈牙，真係有鮑魚鮮味。薑蔥桶蠔煲 ($188)做到我想要嘅鑊氣，淨係食個蔥都好惹味。 桶蠔好巨型，咬開好多汁，炸到香口索哂啲醬汁好正。黑椒牛仔骨煲 ($88)真係好抵食，平時係超市買一包都唔止呢個價，兩個人每人都分到幾舊。 黑椒汁好惹味，牛仔骨就似平時豉油西餐食到嘅牛扒咁，醃過都有肉味。