炯記燒味 (坤成樓)

營業中

休息中

今日有事去荃灣，見到呢間幾乾淨又光猛嘅燒味店，被佢門口優惠孖寶個價錢吸引咗。三個超值孖寶都好抵食，咁我就揀咗組合B：有半斤燒腩仔加半隻砂薑雞$108姐姐包好俾我後，我一拎上手已經覺得好重手，返到屋企打開，好有驚喜，隻雞好大隻，好厚肉，半隻都塞爆咗個盒。燒腩仔半斤都好足秤，而且件件都係燒腩仔，唔會有啲頭頭尾尾醜樣燒肉。成盒都切得方方正正，好似酒樓上枱咁，咁遠返到屋企佢啲皮仲係脆卜卜。呢個套餐真心抵食又好食。佢仲有飯盒賣，除咗燒味仲有我喜歡的豬手，飯可加$$轉撈麵，有機會都想試吓。 結論：燒肉同雞都有質素而且份量多，會回頭。