影片
更多
2024-11-27
307 瀏覽
泰國菜就成日都食得多，泰式火鍋真係好少食🤤今日嚟到城景大堂嘅泰式餐廳Amazing同朋友慶祝生日，適逢餐廳推出優惠，今個月平日$200/位，週末$238/位。首先飲品方面有橙汁，啤酒任飲，紅酒，白酒都係任飲。小食拼盤包括炸蝦餅，糯米釀雞翼，素春卷同埋柚子沙律，其他小食例如生蝦刺身同埋泰式鳳爪，都係一啲好經典嘅泰式小食。😋食緊小食嘅期間湯底嚟到啦！我哋揀咗椰汁雞湯，湯底係帶酸，餐廳另外俾咗一大碗湯我哋，唔夠湯嘅時候唔係加水，而係加返椰汁雞湯，所以打邊爐嘅期間湯底唔會越食越淡。😋爐嘅中間係可以用嚟燒肉嘅，所以無論燒肉派定係火鍋派嘅朋友都可以得到滿足。肉類餐廳提供美國牛小排肉，豚梅肉，雞肉等等嘅選擇；海鮮方面，除咗鮮蝦同埋墨魚之外，仲有鱸魚柳。呢一個套餐提供豆腐，油麥菜，生菜等等嘅蔬菜，超級推薦豆腐，同呢個湯底好夾。🥹甜品方面，有芒果糯米飯，榴槤糯米糍等等嘅選擇，份量一口一啖，貪心嘅可以叫多兩個，或者叫一份過下口癮都唔錯。😋
泰國菜就成日都食得多，泰式火鍋真係好少食🤤
今日嚟到城景大堂嘅泰式餐廳Amazing同朋友慶祝生日，適逢餐廳推出優惠，今個月平日$200/位，週末$238/位。
首先飲品方面有橙汁，啤酒任飲，紅酒，白酒都係任飲。
小食拼盤包括炸蝦餅，糯米釀雞翼，素春卷同埋柚子沙律，其他小食例如生蝦刺身同埋泰式鳳爪，都係一啲好經典嘅泰式小食。😋
食緊小食嘅期間湯底嚟到啦！我哋揀咗椰汁雞湯，湯底係帶酸，餐廳另外俾咗一大碗湯我哋，唔夠湯嘅時候唔係加水，而係加返椰汁雞湯，所以打邊爐嘅期間湯底唔會越食越淡。😋
爐嘅中間係可以用嚟燒肉嘅，所以無論燒肉派定係火鍋派嘅朋友都可以得到滿足。
肉類餐廳提供美國牛小排肉，豚梅肉，雞肉等等嘅選擇；海鮮方面，除咗鮮蝦同埋墨魚之外，仲有鱸魚柳。
呢一個套餐提供豆腐，油麥菜，生菜等等嘅蔬菜，超級推薦豆腐，同呢個湯底好夾。🥹
甜品方面，有芒果糯米飯，榴槤糯米糍等等嘅選擇，份量一口一啖，貪心嘅可以叫多兩個，或者叫一份過下口癮都唔錯。😋
張貼
