滝雲

營業中

休息中

呢排我搵到唔少特別嘅廚師發辦組合，包括呢款“夏季限定晚市鮨燒配二人前”。今次由恒師傅主理，套餐結合左刺身、壽司、串燒同燒物。首先上枱嘅係刺身，我最鍾意當然係油脂豐腴嘅大拖羅。跟住去到串燒部分，包括時令燒海鮮同串燒。所有蔬菜同雞串燒都燒到啱啱好，調味亦恰到好處。亮點之一係時令燒日本門鱔，外皮烤到好似薯片咁薄脆，肉厚而且充滿魚油香。另外壽司都唔錯，生烏賊切成細細粒，有微微嚼勁，底層墊左紫蘇葉，清新獨特嘅味道更突出鮮味。瀨尿蝦鮮甜，面頭搭配蟹膏不同鮮味令味道更有層次。餐廳價錢合理，食物亦有驚喜。推介俾想試不同廚師發辦嘅人。雖然當日落雨心情麻麻但好彩有美味食物安慰🫶