串串燒 by Season (已結業)

串燒就成日食，但係燒得咁好嘅串燒店就真係第一次食，推薦呀！首先講飲品，有1公升一大杯真係好抵，咁唔同口味可以選擇，瘋狂飲都冇問題啊！最好味嘅係蒜蓉燒茄子同焗金菇，調味得好，食到鹹味之餘仲有蜜糖嘅甜味，蒜頭完全係畫龍點睛，人手切蒜頭而不是蒜蓉，反而更能帶出蒜的香味，咬下去在口中爆開，更能提升食物味道。汁燒大葱豬頸肉——最神奇係燒到大葱唔會乾，咬落去好Juicy，肉汁出曬黎！蒜蓉韓國蜆——食得到新鮮而且冇沙，點汁更好味。