滿福庭

營業中

休息中

今日去咗APM行街，順便同埋媽咪去鱷魚恤中心飲茶，見《滿福庭》咁熱鬧，當然要試試啦！花膠瑤柱灌湯餃＄40.8皮薄餡料豐富，湯底又鮮甜，加一點紅醋，連湯都可以飲埋😋！九製陳皮叉燒酥＄31.8外皮金黃酥脆，咬開內裏叉燒半肥瘦又多汁，十分香口，再帶點微微陳皮香，好好味👍🏻👍🏻！活剁生拆韮黃鮮蝦腸＄40.8即叫即蒸，熱辣辣，腸粉皮好薄，鮮蝦嫩滑又彈牙，不錯👍🏻！五式點心拼盆＄30.8翠苗餃、燒賣、粉果和叉燒包乜都有，最出息的是米糕，味道好似白糖糕加點米香感覺，口感好鬆軟，加上剛剛蒸起，暖笠笠好好食👍🏻！而其他點心都係即點即蒸，不錯！