河內越式料理

營業中

休息中

出黎尖沙咀攞年糕，順路食個午餐先，揀左食越南野，見佢餐廳都幾多人，價錢又唔貴就試佢啦。每張枱中間都有膠板檔著，亦有搓手液提供。落完單，店員送上熱茶，茶底好香喎，唔知係咩茶葉呢。粉麵飯可以用優惠價叫特飲，自己叫了椰汁珍多冰，朋友叫左芒果西米露，都幾好飲唔太甜，不過擺左一陣啲冰瀜左就變淡了，唔怪得個個都叫少冰或走冰啦，好醒呀。自己點的生熟牛肉湯檬，有附上青檸同辣椒正喎。個碗夠大勁多湯，食湯粉多湯好緊要㗎。湯頭濃郁鮮味，夠哂熱正呀，食越南粉個湯底一定要夠熱。檬粉好爽口，連湯食好好味。生熟牛都好有牛味，個湯好夠熱，啲生牛火速變成熟牛，哈哈。朋友點的雞翼湯河，分開上有誠意。雞翼好香口，香茅味正，仲係大size雞翼添呀。湯底同樣夠哂熱，仲有好大棵九層塔，哈哈。河粉好滑，仲勁多粉添，超飽呀～個湯底好正，好味又貼地，有下次。